Një kompani nga Izraeli ka klonuar qelizat e kanabisit dhe ka përdorur një bioreaktor për t’i rritur ato në një substancë që përmban të gjitha substancat aktive të kanabisit – me një fuqi 12 herë më të madhe.
BioHarvest Sciences tregon se kjo arritje mund ta bëjë përdorimin e kanabisit për qëllime mjekësore më të lirë dhe më të thjeshtë për t’u prodhuar. Kompania ka nisur të aplikojë për liçensimin e duhur për të nisur prodhimin dhe shitjen për qëllime mjekësore në Izrael dhe SHBA.
“Ne nuk e rrisim bimën.” tha CEO i BioHarvest Ilan Sobel. Ky proçes përfshin kopjimin e qelizave të marra nga bima e kanabisit në bioreaktor për të prodhuar një numër të madh qelizash identike.
“Ne i rrisim ato në një bioreactor të madh në vetëm 3 javë, ndërkohë që kanabisi normal kërkon 14 deri në 23 javë që të rritet.” tha Sobel. ”Teknologjia jonë mund të rrisë gjithashtu ndjeshëm nivelin e ingredientëve aktivë si një përqindje e peshës në krahasim me ato që kemi gjetur në një bimë normale.”
Në këtë mëyrë çdo gram kanabis i prodhuar nga bioreaktori në Rehovot kërkon më pak ujë dhe resurse të tjera të nevojshme. Sobel beson se ky inovacion do të jetë mahnitës në tregun e kanabisit.
