CEO i Google Sundar Pichai përfitoi një rritje page të konsiderueshme një vit më parë, duke e shndërruar atë në një ndër CEO-t më të pasur në SHBA. Megjithatë javën e kaluar, kompania lajmëroi se ka autorizuar riblerjen e aksioneve me vlerë $70 milionë, duke shtuar kështu bonuset që Sundar Pichai përfiton.
Nga ana tjetër kompania mëmë e Google, Alphabet, ka nisur agresivisht të ulë shpenzimet, duke përfshirë këtu dhe pushimin nga puna të 12,000 punonjësve.
Dokumentet e publikuara vitin e kaluar tregojnë se Sundar Pichai përfitoi $226 milionë, kryesisht falë bonusit prej $218 milionësh të cilat i përfiton çdo 3 vite. Herën e fundit që ai mori këtë bonus, në 2019, kompensimi total ishte $280 milionë. Për sigurinë personale dhe pagesën bazë të tij janë shpenzuar dhe $8 milionë të tjera.
Gjatë kohëve të fundi tai është përballur me akuza të shumta, dhe në janar mori përgjegjësinë e plotë për problemet që detyruan kompaninë të pushonin shumë njerëz nga puna. Në një takim të përgjithshëm, punonjësit ngritën pyetje se përse ekzekutivët e lartë nuk po përballen me një ulje të pagës për sa kohë janë përgjegjës për këtë situatë.
Pichai u përgjigj duke thënë se këta persona kanë hequr dorë nga bonuse të mëdha, madje dhe vetë CEO nuk i kishte pranuar këto bonuse.