Të quajtura SeaPod, shtëpitë pluskuese janë dizenjuara që të jenë një zgjidhje tepër ekologjike për mjedisin ndërkohë që në të njejtën kohë ofrojnë një pamje fantastike të detit.
Ocean Builder shpjegoi se SeaPod vjen me “3 gjysmë kate” dhe më tepër se 300m2 hapësirë banimi, e gjitha e vendosur në një lartësi 2.3m mbi nivelin e detit. Çmimet nisin nga $300,000, mirëpo mund të arrijnë deri në $1.5 milionë.
“Njësoj si në një ajsberg, magjia e fshehur e SeaPod gjendet nën sipërfaqjen e ujit. Ju duhet të shikoni më thellë. Ne përdorim më tepër se 510m3 ajër të grumbulluar në tubat prej çeliku të cilat bëjnë të mundur ngritjen e SeaPod mbi nivelin e detit. Kjo gjë bën që shtëpia të ofrojë komfort dhe stabilitet superior, pasi shtëpia ndodhet mbi dallgët e detit.” shpjegon Ocean Builder.
Mirëpo për fat të keq “pjesa e pluskimit në ujë” nuk shkoi sipas planit gjatë prezantimit të këtyre shtëpiave, ku mori pjesë dhe presidenti i Panamasë, Laurentino Cortizo.
Titanic II is gonna be a banger. #seapod
— cheap pontoon (@CheapPontoon) September 24, 2022
Disa pamje të transmetuara nga ky event tregojnë se struktura gati sa nuk zhytet plotësisht në ujë, dhe personat që gjendeshin mbi SeaPod nxitojnë të largohen drejt një zone të sigurt. Ocean Builders shpjegoi më pas se sistemi i pompimit në rezervuar nuk funksionoi siç duhet, duke sjellë tejmbushjen e pjesës së xhakuzit.
@OceanBuilders what happened here? #Panama #seapod pic.twitter.com/yOqHsVgqMB
— Marlon Torres ?? ?? (@Marlon_PTY) September 23, 2022
Për fat të mirë nuk kishte asnjë person të dëmtuar gjatë këtij prezantimi.
