Studiuesit në USC Viterbi School of Engineering kanë përdorur inteligjencën artificiale për të ekzaminuar më tepër se 3,000 libra në gjuhën angleze të zhanrave të ndryshëm, si fantashkencë, aventurë, mister, novela apo romancë dhe kanë zbuluar se personazhet meshkuj ishin 4 herë më të shumtë në numër se personazhet femra.
Një fakt interesant është se numri i personazheve për gjini ishte më i barazuar në veprat e shkruajtura nga autoret femra. Gjithashtu u vu re se termat negativë si “i dobët” apo “budalla” ishin përdorur më shumë për personazhet femra, ndërkohë që për meshkujt përdoreshin shumë termat “i fortë” dhe “i fuqishëm”.
“Paragjykimi i bazuar në gjini është i vërtetë, dhe kur ne shikojmë se femrat janë 4 herë më pak të përmendura në letërsi, atëherë kjo gjë ka një impakt mbi njerëzit që konsumojnë këtë kulturë.” tha autori i studimit Mayanak Kejriwal.
Ekipi i studiuesve kishte si qëllim të përllogariste përfaqësimin e meshkujve dhe femrave në libra të ndryshëm duke përdorur teknika AI. Studimi prodhoi një numër të ndryshëm metodash për të zbuluar se sa ishte numri i personazheve femra në libra, duke përfshirë këtu dhe Named Entity Recognition.
Në këtë mënyrë ekipi arriti të zbulonte se të cilës gjini i përkisnin personazhet kryesorë në 3,000 librat e analizuar, të cilat ishin botuar nga viti 1880 deri në 2000.
