Gjatë fundjavës së kaluar, shumë grupe komunikimi të ndryshme inspiruan të gjithë të rinjtë të vishnin veshjet e tyre më të bukura për të parë filmin më të ri në teatër. Mirëpo ky film nuk ishte as Top Gun: Maverick, as Doctor Strange in the Multiverse of Madness, por Minions: Rise of Gru.
Filmi i 5-të në serinë e filmave Despicable Me ka arritur një box office prej $125 milionë vetëm përgjatë fundjavës së kaluar, falë valës së madhe të djemve adoleshentë dhe të rinj të cilët iu bashkuan trendit #GentleMinions në TikTok.
Mirëpo çfarë është #GentleMinions?
Ky hashtag u krijua për të gjithë personat që kishin dëshirë të shpërndanin foto dhe video ndërkohë që kishin veshur një kostum të zi për t’u përshtatur me veshjen e personazhit negativ në film.
The Reporter tregon se 34% e personave që morën pjesë në shfaqjen e filmit në fundjavë ishin të moshës 13-17 vjeç. Në 2017, me prezantimin e Despicable Me 3, vetëm 8% e pjesëmarrësve ishin nga mosha 13-17 vjeç.
Variety foli me disa të rinj që shkuan në kinema të veshur me kostume, të cilët sqaruan: “Jemi të sigurtë se shumica e të rinjve që janë këtu sot u rritën me Despicable Me dhe tashmë kanë nostalgji dhe para të mjaftueshme për të ndjekur trendin e ri të kostumeve”.
