Historia është gati për tu shkruar teksa njeriu më i pasur në botë afrohet drejt një shifre rekord prej gati $200 bilion.
Po flasim sigurisht për pronarin e Amazon, Jeff Bezos. Këtë të martë aksionet e kompanisë së themeluar në 1994 panë një rritje prej 1.2% duke i shtuar $2.2 bilion dollarë vlerës së Bezos në një total prej $199.7 bilion.
Pandemia lëvizi shumë ekonomi që nga mbyllja masive në muajin shkurt, por aksionet e Amazon panë rritje prej më shumë se 55% kjo për shkak të kërkesës së lartë të blerjeve online prej karantinës.
Vetëm brenda 12 muajve pasuria e Bezos është rritur me $86 bilion.
Përqindja e lartë prej 11,1% e aksioneve që ai posedon nga një kjo dinasti me vlerë $1.68 trilion bën që edhe lëvizjet më të vogla në bursë t’i atribuojnë atij rritje të frikshme të vlerës.
Bezos do t’a kishte kaluar me kohë rekordin $200 bilion, po të mos ishte për divorcin më të shtrenjtë në histori, i cili në 2019 i kaloi ish-bashkëshortes së tij MacKenzie Scott 3.8% të kompanisë.
