Burrat që pinë espresso mund të kenë nivele më të larta kolesteroli se femrat – ky është rezultati i dalë nga një studim i ri.
Më parë ishte vërtetuar se `kimikatet e gjetura në kafe ishin të lidhura me nivelet e larta të kolesterolit në gjak, një fenomen që sjell probleme me shëndetin e zemrës. Për të ekzaminuar lidhjen midis metodës së konsumimit të kafes dhe kolesterolit, një ekip akademikësh nga Norvegjia vendosën të përfshinin në studim mbi 21,000 persona të moshës mbi 40 vjeç.
Analiza e këtyre të dhënave të siguruara tregoi se lidhja midis kafesë dhe kolesterolit varej nga mënyra e konsumimit të kafesë, me diferenca të dallueshme në gjinitë e ndryshme.
Konsumuesit e kafesë që pinin 3-5 espresso në ditë ishin shumë herë më të predispozuar për të patur nivele të larta të kolesterolit në gjak në krahasim me personat të cilët nuk pinin espresso. Gjithashtu për të njejtën sasi kafesh të konsumuara, u vu re se nivelet e kolesterolit në gjak ishin më të larta tek meshkujt se te femrat.
Ndërkohë që konsumimi i kafesë së zier rriste kolesterolin në gjak në mënyrë të njejtë në të dyja gjinitë.
“Zbulimi më i rëndësishëm është se konsumimi i espresso-ve është i lidhur me nivelet e larta të kolesterolit në gjak.” treguan autorët e studimit.
