Netflix do të prezantojë një eksperiencë interaktive për të gjithë përdoruesit e saj në datën 1 prill të quajtur Trivia Quest.
Tepër e ngjashme me “Cat Burglar”, e cila u prezantua nga Netflix një muaj më parë, Trivia Quest është një përvojë ndërvepruese narrative, ku çdo “fitore” do të ndihmojë në vazhdimin e historisë. Sa herë që ju të përgjigjeni saktë në pyetjet e lojës, ju do të ndihmoni në lirimin e miqve të protagonistit, Willy, i cili zotohet të shpëtojë qytetarët e marrë peng nga qyteti i “Trivia Land” nga një personazh negativ i quajtur Evil Rocky.
Trivia Quest është show-i më i ri i Netflix që i bashkohet listës së titujve interaktivë. Kjo është loja e dytë pas Cat Burglar që përfshin nëj element trivia, diçka që zëvëndës presidenti Andy Weil ka si dëshirë që të zhvillojë akoma më tepër në platformë.
Një episode i ri i Trivia Quest do të publikohet në Netflix çdo ditë përgjatë muajit prill, pra do të ketë 30 episode në total. Çdo episod do të përmbajë 24 pyetje (12 të lehta dhe 12 të vështira) në një format me disa alternativa. Pyetjet do të vijnë nga kategori të ndryshme si shkencë, argëtim, sport, art, gjeografi dhe histori.
