Çfarë do të ndodhte nëse, në vend që të blini iPhone-in më të ri sa herë që Apple lëshon një të tillë, të blinit të njëjtën sasi të aksioneve të Apple?
Ekziston një tweet që qarkullon në X dhe tregon se nëse do të kishit blerë aksione të Apple në vend të një iPhone sa herë që dilnin, do të kishit qindra miliona dollarë. Matematika tregon se një gjë e tillë është e pamundur (nëse do të kishit shpenzuar $20 mijë në aksionet e Apple kur filluan thashethemet për iPhone, do të kishit $1.5 milion sot, në rastin më të mirë) por në çdo rast – do të kishte kuptim vetëm nëse do të tregoheshit të zgjuar në vitin 2007, dhe do ta dinit se kur Apple do të lançonte telefonat dhe me cilin çmim.
Për të bërë një llogaritje më të saktë do të duhet të imagjinojmë blerjen e iPhone-it më të mirë sa herë që Apple lëshon një iPhone të ri, ose të shpenzoje të njëjtën shumë në aksionet e Apple. Nëse do ta kishit bërë këtë gjë, sipas llogaritjeve të TechCrunch, do të kishit shpenzuar rreth $16,000 në iPhone gjatë viteve (që është rreth 20,000 dollarë duke llogaritur inflacionin). Nëse në vend të kësaj do të kishit blerë aksione të Apple, sot do të kishit $147,000 ose më shumë – ose një fitim prej rreth $131,000.
