Me çmimet e energjisë elektrike dhe të karburantit që arritën shifrat rekord gjatë kësaj periudhe, bota po kërkon të gjejë disa zgjidhje me kosto më të ulët për të siguruar energjinë nga burime të rinovueshme, siç është energjia diellore apo e erës.
Një studim i ri nga Stanford University tregon se lëvizja drejt përdorimit vetëm të energjisë elektrike nuk do të jetë aq i vështirë sa mendohet. Pas studimit të 145 shteteve të ndryshme, studiuesit arritën në përfundimin se nëse ne përdorim vetëm energji të rinovueshme dhe elektrifikimi i të gjithë sektorëve të energjisë nuk do të sjellë mungesë energjie elektrike apo një rritje të çmimeve. Në fakt, sipas studimit, çmimet do të uleshin menjëherë, dhe të gjitha kostot e investuara për tranzicionin në energjinë e rinovueshme do të riktheheshin brenda 6 viteve.
Studimi u drejtua nga profesor Mark Z. Jacobson, një profesor në Stanford University dhe një përkrahës i energjisë 100% të rinovueshme. Sipas tij, “Ne nuk kemi nevojë për teknologji të mrekullueshme për të zgjidhur këto probleme”. Duke elektrifikuar të gjithë sektorët e energjisë, duke prodhuar energji të passtër nga burimet e rinovueshme, duke krijuar nxehtësi, ftohje apo hidrogjen nga elektriciteti dhe duke e ruajtur energjinë ne mund të sigurojmë një energji të lirë, të pastër dhe të besueshme.
