Star Wars Visions nuk ishte thjesht një antologji, ajo ishte një provë që tregonte se sa brilante dhe e gjallë Star Wars mund të jetë kur drejtuesit guxojnë të largohen disi nga saga kryesore. Shumë fansa janë në pritje të paduruar për sezonin e dytë të Visions, megjithatë duket se Star Wars ka në plan të realizojë një tjetër antologji.
Dhe pse jemi ende disa javë para zhvillimit të eventit Star Wars Celebration, një listim i paneleve u publikua më parë në interent, së bashku me një përshkrim të asaj që të ftuarit do të presin të shikojnë. Mënyra se si faqja u hoq menjëherë të bën të mendosh se publikimi i saj ishte një gabim rastësor, por nga ky listim për një panel të prezantuar nga Dave Filoni dhe Amy Ratcliffe ka konfirmuar ekzistencën e “Tales of the Jedi”, një antologji me pamje të animuara.
Në këtë listim nuk jepet asnjë informacion rreth show-it, vetë titulli “Tales of the Jedi” është një tregues tepër i rëndësishëm i asaj që pritet të flitet në histori. Ky serial i animuar mund të shërbejë si një mënyrë për të risjellë disa dijeni nga epoka e Old Republic dhe mbase të eksplorojë disa nga idetë e parashtruara në The High Republic.
Më tepër informacione do të publikohen në datën 26 maj, gjatë Star Wars Celebration event.
