Tashmë të gjithë qytetarët në Louisiana janë të detyruar të vërtetojnë moshën e tyre duke përdorur kartën e identitetit sa herë që aksesojnë website me materiale +18, si përshembull Pornhub.
Pornhub nuk e ka konfirmuar këtë politikë të re, por një video e publikuar në Twitter tregon se si ky sistem verifikimi do të funksionojë për qytetarët e Louisiana. Përdoruesit janë të detyruar të verifikojnë moshën e tyre përmes AllpassTrust. Megjithatë u vu re se një verifikim i tillë nuk kërkohej në website të tjera të ngjashme në internet.
Projektligji u miratua gjatë vitit të kaluar, dhe menjëherë me fillimin e vitit të ri ai u fut në fuqi. Ligjvënësit në këtë shtet e cilësojnë pornografinë një krizë shëndetësore publike, dhe kanë vendosur të marrin masa simbolike për të ulur shikueshmërinë.
Hello from the surveillance state of Louisiana. People in Louisiana have to use their drivers license to go to pornhub. This is truly wild. Under his eye. https://t.co/uji6Jo3Tde pic.twitter.com/pVKEeVcCGw
— Public Defendering (@fodderyfodder) January 2, 2023
Megjithatë një tjetër shqetësim për përdoruesit, tani që kërkohet verifikimi nëpërmjet kartës së identitetit, është privatësia e tyre. në dhjetor një zëdhënës i krijuesit të AllpassTrust, LA Wallet tregoi se kompanitë si Pornhub nuk do të grumbullojnë informacione mbi përdoruesit.
“Website-t nuk do të identifikojnë datën e lindjes, nuk do të identifikojnë se cilët jeni, ku jetoni apo në ç’pjesë të shtetit ndodheni, madje asnjë informacion rreth pajisjes tuaj apo ID tuaj. Ajo lexon vetëm moshën dhe ju lejon të aksesoni faqjen nëse jeni në një moshë të caktuar.”
Është ende jo e qartë se sa do të ndihmojë një masë e tillë, për sa kohë përdoruesit dinë si të përdorin VPN.
