Pas miratimit të një projektligji nga Dhoma e Përfaqësuesve të SHBA-së që do të ndalonte TikTok nëse nuk ndahej nga pronari i tij kinez dhe të shitej drejt një pronari të ri, Kina denoncoi të enjten mentalitetin prej “banditësh” të Washington dhe u zotua të “marrë të gjitha masat e nevojshme” për të mbrojtur interesat e bizneseve të saj jashtë vendit.
Popullariteti global i aplikacionit të videove të shkurtra është rritur, por kryeqytetet perëndimore janë të alarmuar nga për shkak se ByteDance zotëron platformën, duke akuzuar se kjo kompani ndan të dhënat me Partinë Komuniste në pushtet të Pekinit.
Të mërkurën projektligji u miratua me pjesën më të madhe të anëtarëve të Dhomës së Përfaqësuesve në SHBA që kërkonin që TikTok të ndahej nga kompania e tij mëmë ose rrezikonte të ndalohej në të gjithë vendin. Projektligji nuk ka kaluar ende në Senat, ku pritet të përballet me një provë më të vështirë para se të shndërrohet në një ligj të vërtetë.
“SHBA duhet të respektojë me të vërtetë parimet e një ekonomie tregu dhe konkurrencë të ndershme (dhe) të ndalojë shtypjen e padrejtë të kompanive të huaja,” tha zëdhënësi i ministrisë së tregtisë së Pekinit, He Yadong në një konferencë shtypi. Washington duhet gjithashtu “të sigurojë një mjedis të hapur, të drejtë, të drejtë dhe jodiskriminues për kompanitë e huaja që të investojnë dhe të operojnë në SHBA”, shtoi ai. “Kina do të marrë të gjitha masat e nevojshme për të mbrojtur me vendosmëri të drejtat dhe interesat e saj legjitime.”
Në një konferencë të veçantë për shtyp, zëdhënësi i ministrisë së jashtme Wang Wenbin tha se votimi “bie në kundërshtim me parimet e konkurrencës së ndershme dhe rregullat ndërkombëtare ekonomike dhe tregtare“.
“Nëse të ashtuquajturat arsye të sigurisë kombëtare mund të përdoren për të shtypur në mënyrë arbitrare kompanitë e shkëlqyera nga vendet e tjera, atëherë nuk ka fare drejtësi,” tha Wang. “Kur dikush sheh një gjë të mirë që ka një person tjetër dhe përpiqet ta marrë për vete, kjo është tërësisht logjika e një banditi.”
