Kim Kardashian ka pranuar të paguajë një gjobë prej $1.26 milionë për reklamimin e EthereumMax në faqjen e saj në Instagram.
US Securities and Exchange Commission tregoi se Kim ishte paguar $250,000 për reklamimin e kësaj kriptomonedhe, pa bërë të ditur se ajo është paguar për të reklamuar EthereumMax. Ajo gjithashtu ishte dakord që të mos promovojë më asete kriptomonedhash për një periudhë prej 3 vitesh.
Avokati i saj tregoi për BBC News se “zonja Kardashian ishte shumë e kënaqur që arriti ta zgjidhte këtë çështje me SEC.” Ai shtoi gjithashtu se Kim ka bashkëpunuar plotësisht me SEC që nga fillimi i investigimit dhe se do të bënte çfarëdo që ishte e mundur për të ndihmuar SEC.
Kim Kardashian, boksieri Floyd Mayweather Jr, basketbollisti Paul Pierce dhe krijuesit e EthereumMax u gjobitën nga investitorët në janar. Në këtë përballje ligjore ato akuzoheshin se “promovuan dhe shitën kriptomonedhën në mënyrë mashtruese” duke përdorur skemën “pump and dump” për të fryrë sa më tepër çmimin para se ta rishisnin drejt investitorëve.
Pavatësisht emrit të saj, EthereumMax nuk ka asnjë lidhje me kriptomonedhën tjetër Ethereum.
