Shumicën e kohës neve na takon të dëgjojmë për suksesin e produkteve të ndryshme teknologjike, kryesisht për shkak të hapësirës së madhe të përdorimit që ato gjenë, megjithatë në këtë artikull do të përmendim disa produkte të cilat po konsiderohen si “dështimet e vitit 2023”.
“Shfaqjet” e shumta të dhëna nga X
Hapat e gabuar ose të paktën të konsideruar të tillë nga shumë njerëz të X mund të kërkojnë shumë kohë të përmenden të tëra, por disa nga vendimet më të diskutuara të Elon Musk ishin dhënia fund e aksesit falas në API, çaktivizimi i MGA, revolucioni i shenjës blu të verifikimit apo së fundmi revoltimi ndaj reklamuesve.
Situata e Sam Altman si CEO i OpenAI
Plotësisht papritur dëgjuam lajmin për largimin nga puna të Sam Altman, popullariteti i të cilit (dhe mbështetja nga Microsoft) e detyroi kompaninë ta rikthente sërisht në pozicionin e CEO-s vetëm 5 ditë pas largimit.
Taksitë robotike Cruise
Për Cruise, gjërat shkuan keq pothuajse menjëherë. Ndërsa turmat u mblodhën për festivalin muzikor Outside Lands, ata bllokuan sinjalet, duke bllokuar robotaksitë e Cruise dhe duke shkaktuar një trafik të pakalueshëm. Një robotaksi Cruise u përfshi më pas në një përplasje me një kamion zjarrfikës, duke bërë që Cruise të reduktonte flotën e saj në qytet me 50%. Pika e kthesës, megjithatë, erdhi kur një robotaksi Cruise shtypi një grua që doli në drejtimin e makinës pas një përplasjeje të veçantë. Cruise së shpejti ndaloi të gjitha operacionet e taksive vetë-drejtuese dhe CEO i saj dha dorëheqjen.
“Dyluftimi në kafaz” i Elon dhe Mark
Dhe pse të gjithë ne dëshironim shumë që pas përballjeve me deklarata në rrjetet sociale të 2 prej personave më të pasur në botë të realizohej dyluftimi i përfolur në një kafaz, një gjë e tillë nuk ndodhi.
Mbinxehja e iPhone 15 Pro
iPhone 15 Pro i Apple ishte telefoni më i nxehtë i këtij viti, në të gjitha kuptimet. Menjëherë pas lançimit të tij, njerëzit raportuan se versionet Pro të iPhone 15 po kalonin temperaturën 37 gradë celsius, duke i bërë ato të jo të rehatshme për t’u mbajtur në dorë. Megjithatë gjithçka u zgjidh përmes iOS 17.0.3.
“Flluskat blu” në Android
Debati midis flluskave jeshile dhe blu që shfaqen në komunikimin midis dy personave që përdorin produkte iOS ose Android ishte një temë mjaft e rëndësishme gjatë kohëve të fundit, kryesisht për shkak se Apple gjeti një mënyrë për të bllokuar dërgimin e tyre përmes aplikacionit Beeper. Dhe Nothing ishte gati të ofronte një shërbim të ngjashëm në smartphone-t e saj, por u tërhoq në momentet përfundimtare.
Hakerat sulmuan MGM
Sulmi i shtatorit në MGM Resorts nga hakerat, detyroi pushuesit në Las Vegas të kyçen jashtë dhomave të tyre dhe të paaftë për të luajtur në makinat e lojrave të fatit apo ATM. MGM konfirmoi se hakerët vodhën informacione nga klientët që bënin biznes me kompaninë para vitit 2019. Supozohet se humbjet për MGM arritën në $100 milionë pas këtij sulmi kibernetik.
Gjetja e informacioneve konfidenciale në ChatGPT
ChatGPT është një produkt i mrekullueshëm në shumë mënyra, por e ka marrë zgjuarsinë e saj nga të dhënat e disponueshme publikisht dhe po përmirësohet çdo ditë bazuar në informacionin që po i jepni. Pra, ndoshta e kuptoni se nuk është mirë që të hidhni të të dhëna konfidenciale në chatbot-in tuaj të preferuar.
Inxhinierët e softuerit të Samsung mësuan nga gabimet e tyre kur i kërkuan chatbot-it të gjente gabimet në kod duke përfshirë shumë rreshta konfidenciale kodi në ChatGPT në dy raste të veçanta. Pasi një punonjës i tretë i kërkoi modelit të AI të përmbledhë shënimet e takimit, drejtuesit e Samsung ndërhynë dhe i ndaluan punonjësit të përdornin ChatGPT.
