Nuk është nevoja që këtë Halloween të abonoheni në një nga shërbimet e transmetimeve si Netflix, pasi ka shumë filma argëtues që mund t’i shikoni falas në platforma të ndryshme. Më poshtë ne do të përmendim 5 filma të cilët mund t’i shikoni gjatë kësaj periudhe.
Addams Family Values
Ky film aksion i cili përfshin familjen misterioze dhe drithëruese Addams sjell një humor thereës të shoqëruar me efekte të veçanta. Xhaxhi Fester (Christofer Lloyd) është nën shënjestrën e një vrasësi serial i cili josh burrat e pasur dhe fiton pasurinë e trashëguar, ndërkohë që fëmijët Wednesday dhe Pugsley duhet të përballen me horroret e kampit veror. Raul Julia dhe Anjelica Huston rikthehen si prindërit Gomez dhe Morticia, të cilët e përfshijnë familjen e tyre në rreziqe të ndryshme.
The Devil’s Advocate
Al Pacino shfaq aftësitë e tij të shkëlqyera në aktrim duke krijuar një lidhje pothuajse të vërtetë midis avokatëve dhe djallit. Keanu Reeves luan rolin e një avokati të ri të rekrutuar nga një kompani e madhe në New York.
John Milton (Al Pacino) është djalli i vvërtetë, dhe tentativat e tij për të korruptuar Kevin Lomax (Keanu Reeves) janë me të vërtetë tinëzare dhe shumë argëtuese.
The Mask
Maskat e Halloween nuk mund të ofrojnë asnjëherë të njejtin transformim që Jim Carrey përjeton në The Mask. Ai luan rolin e Stanley Ipkiss i cili transformohet në një person krejt ndryshe pasi vendos maskën.
Në këtë performancë mund të shikojmë dhe aftësitë aktoriale dhe humoristike të Carrey, si dhe debutimin për herë të parë në ekran të Cameron Diaz në rolin e një këngëtareje e cila tërhiqet nga karakteri i Stanley.
Evil Dead
Ky është një remake i filmit origjinal The Evil Dead me regjizor Sam Raimi, i cili ka ndihmuar Fede Alvarez të krijojë këtë version të ri të filmit horror. Jane Levy paraqitet si një vajzë e re e cila qëndron në një kabinë të izoluar me miqtë dhe familjen ndërkohë që detoksifikohet nga varësia që ka krijuar ndaj heroinës.
Ajo duhet të luftojë të pavdekshimit kur një ndër miqtë e saj fillon të lexojë nga një libër i mallkuar që gjendej në bodrum.
A Girl Walks Home Alone at Night
Regjizorja Ana Lily Amirpour bëri një debutim mjaft të mirë me këtë film klasik. Personazhi Sheila Vand është një grua misterioze e cila jeton në një qytet të trilluar në Iran plot me korrupsion dhe krim. Ajo është gjithashtu një vampire dhe ushqehet me gjakun e kriminelëve, ndërkohë që krijon shoqëri me një djalë në vështirësi.
