Shumë përdorues të Netflix shpesh lodhen nga rekomandimet e përsëritura që shfaqen në faqen kryesore, pa e ditur se ekziston një mënyrë për të zbuluar një botë shumë më të gjerë filmash dhe serialesh. Përmes një sistemi të kodeve sekrete, Netflix ofron akses në mbi 36,000 kategori të fshehura, që variojnë nga filmat klasikë dhe dokumentarët e çmuar deri te nënzhanre tepër specifike si “Supernatural Soaps” apo koleksione të krijuara nga trendet e rrjeteve sociale.
Këto kode janë numra unikë që, kur shtohen në fund të një URL-je të Netflix-it (p.sh. ëëë.netflix.com/browse/genre/KODISEKRET), hapin koleksione të dedikuara. Shembuj të tillë janë “90-Minute Movies” (81466194), “Family Movie Night” (2013975) ose kategoritë për filmat dhe serialet fituese çmimesh. Në këtë mënyrë, përdoruesit mund të shmangin algoritmin standard dhe të gjejnë më shpejt atë që kërkojnë.
Edhe pse nuk ka një menu të centralizuar brenda aplikacionit, disa mjete e lehtësojnë procesin. Extensions për browser si Better Browse for Netflix ose FindFlix krijojnë një listë të organizuar kategorish, ndërsa faqja Netflix-Codes.com ofron një katalog të plotë me gjini dhe nënzhanre, duke bërë të mundur kërkimin e shpejtë të kodeve.
Ky sistem i fshehur është si një “biletë VIP” për bibliotekën e platformës, duke e shndërruar përvojën e zakonshme të shfletimit në një gjueti thesari argëtuese. Për adhuruesit e kinemasë dhe serialeve, kodet sekrete janë një mënyrë ideale për të zbuluar përmbajtje që përndryshe do të humbiste mes rekomandimeve të algoritmit.
Në fund, pavarësisht nëse përdorni URL të personalizuara, extensions për shfletues apo faqe ndihmëse, këto kode janë çelësi për të parë Netflix-in ndryshe: jo siç do platforma t’ju tregojë, por siç ju dëshironi ta eksploroni.
