Një mace e quajtur Millie bëri xhiron e rrjeteve sociale këtë javë pasi festoi ditëlindjen e saj të 30-të – duke e bërë atë macen më të vjetër në botë. Sipas legjendës popullore, 1 vit nga jeta jonë është e barabartë me 7 vite për macet. Nëse kjo do të ishte e vërtetë, Millie i bie të ketë jetuar 210 vite njerëzore.
Megjithatë, në realitet, është pak më e ndërlikuar se kjo. “Nëse duam të krahasojmë, ne mund të përcaktojmë vitet e maceve me ato njerëzore me një llogaritje të thjeshtë.” Për t’ju ndihmuar të mësoni ‘moshën e vërtetë’ të maces suaj, Purina ka publikuar një tabelë të thjeshtë për llogaritjen e moshës.
| Mosha e maces | Mosha njerëzore |
| 1 vit | 15 years |
| 2 vite | 24 vite |
| 3 vite | 28 vite |
| 4 vite | 32 vite |
| 5 vite | 36 vite |
| 6 vite | 40 vite |
| 7 vite | 44 vite |
| 8 vite | 48 vite |
| 9 vite | 52 vite |
| 10 vite | 56 vite |
| 11 vite | 60 vite |
| 12 vite | 64 vite |
| 13 vite | 68 vite |
| 14 vite | 72 vite |
| 15 vite | 76 vite |
| 16 vite | 80 vite |
| 17 vite | 84 vite |
| 18+ vite | 88 vite |
Pra, siç mund të shikojmë në tabelë, viti i parë i jetës së një maceje është i barabartë me 15 vite njerëzore. Më pas viti i dytë është ekuivalent me 9 vite të tjera humane. Nga viti i 3-të e më pas, 1 vit njerëzor është ekuivalent me 4 vite për macet.
Po nëse un nuk e di sa vjeçe është aktualisht macja, si mund të veproj?
Nëse ju nuk e keni mbajtur macen që nga momenti kur ka lindur, ju mund të ekzaminoni më mirë disa elementë që mund të tregojnë më tepër rreth jetëgjatësisë së “mikut tuaj”.
Dhëmbët
Dhëmbët e parë të maces zakonisht dalin gjatë 2-4 javëve të para, ndërsa dhëmbët e përhershëm rreth muajit të 4-t. Nëse shikoni shumë pak njolla të verdha në dhëmbë, tregojnë se macja është 1-2 vjeçe. Njollat e shumta tregojnë për një moshë 3-5 vjeçare, ndërsa mungesa e dhëmbëve tregon se macja mund të jetë në një moshë madhore 10-15 vjeçare.
Sytë
Zakonisht në moshë të vogël macet kanë një iris mjaft të qartë. Megjithatë pas 12 vitesh sytë zakonisht fillojnë të shfaqin disa perde, si dhe lotim të rregullt.
Muskulatura
Macet e reja pëlqejnë të luajnë më tepër se ato në moshë, duke krijuar kështu një definim më të mirë muskulor. Pra nëse vini re se macja juaj po humbet masë muskulore dhe pëlqen të qëndrojë për kohë të gjata në një pozicion, kjo mund të jetë një shenjë e plakjes.
Gëzofi
Gëzofi i maceve mund të tregojë gjithashtu më tepër rreth moshës së tyre. Qimet e lëmuara dhe të buta zakonisht janë prezentë tek macet e reja. Macet e mëdha në moshë kanë një gëzof më të trashë dhe disa herë me pulla qimesh gri.
