A ju ka ndodhur që fluturimi juaj të vonohet mbi 3 orë apo të anulohet? Ne sot kemi vendosur t’ju tregojmë se si në mes të gjithë kësaj situate negative mund të përfitoni një kompensim në para.
Sipas ligjit të BE-së nëse fluturimi juaj vonohet mbi 3 orë ose anulohet ju keni të drejtën të ankoheni dhe përfitoni dëmshpërblim deri në 600 euro, në varësi të distancës që do të fluturonit dhe kushteve të tjera të paracaktuara. Geek Room do t’ju tregojë se cilat hapa duhet të ndiqni për të kërkuar kompensimin e parashikuar nga rregullorja e BE-së.
Çfarë është AirHelp?
AirHelp është organizata më e madhe në botë për të drejtat e pasagjerëve ajror, duke ndihmuar të gjithë udhëtarët të sigurojnë kompensim për fluturimet e vonuara ose të anuluara. Dhe pse ju mund të kontaktoni me kompaninë ajrore në rastin e një nga problemeve të mësipërme, dihet gjerësisht se ato do të bëjnë çmos për të mos ju kompensuar, dhe pse janë të detyruar nga ligjet në BE.
Nëse nuk jeni të sigurt për të drejtat tuaja, nuk keni kohë ose thjesht dëshironi që një ekspert të trajtojë të gjithë kërkesën tuaj për ju, AirHelp mund t’ju ndihmojë të merrni atë që ju meritoni. Një ndër avantazhet e AirHelp është se ju paguani për shërbimin e marrë vetëm nëse kërkesa juaj për kompensim është e suksesshme!
Si duhet të veproj për të kërkuar kompensim në AirHelp?
Mëposhtë gjen hapin e parë që duhet të bësh për të perfituar:
Pasi të keni futur të dhënat sipas instruksioneve të AirHelp, do të duhet të krijoni një llogari në mënyrë që të mbeteni në kontakt me kompaninë.
Më vonë ju duhet të fusni të dhënat tuaja personale si në biletën tuaj të udhëtimit, si dhe një kod identifikues që është printuar në dokumentet e marra nga kompania ajrore, zakonisht 6-shifror me shkronja dhe numra të kombinuar por që mund të ndryshojë në varësi të kompanive ajrore.
Më pas ju duhet të konfirmoni që kërkesa juaj për kompensim të kontrollohet nga AirHelp.
Një tjetër pjesë e rëndësishme është ngarkimi i dokumenteve të marra nga kompanitë ajrore. Kompania të ndryshme kanë kërkesa të ndryshme, por në AirHelp do t’ju shfaqen të gjitha dokumentet e nevojitura në bazë të kompanive.
Gjithashtu ju mund të shtoni dhe disa informacione opsionale ku përshkruani shkurtimisht se çfarë problemesh hasët në udhëtimin tuaj.
Kërkesa juaj do të procesohet sa më shpejt të jetë e mundur nga AirHelp, dhe mos harroni, tarifa e shërbimit do të paguhet vetëm nëse kërkesa juaj për kompensim është e suksesshme!
Çfarë është rregullorja EC 261?
Mbrojtja e konsumatorit është e rëndësishme për Bashkimin Evropian, dhe rregullorja EC 261 është miratuar për të parashikuar rastet kur një pasagjer kualifikohet për kompensim në çdo rast të mundshëm, nëse fluturoni në, jashtë ose brenda Evropës.
Nëpërmjet rregullores EC 261, zakonisht i referuar si BE 261, të gjitha fluturimet e BE-së mund të kualifikohen për kompensim, rimbursim ose ridrejtim nga linja ajrore në rast vonese, anulimi ose refuzimi të hipjes. Për më tepër, statuti përshkruan se sa duhet të kompensohet një pasagjer, duke eliminuar nevojën për të negociuar me një linjë ajrore.
Fluturime të vonuara: mund të jeni në gjendje të kërkoni kompensim nëse fluturimi juaj ka mbërritur mbi 3 orë me vonesë.
Fluturimet e anuluara: ju mund të keni të drejtë për kompensim nëse fluturimi juaj është anuluar më pak se 14 ditë përpara se të nisej.
Rezervimet e tepërta: ju detyroheni kompensim sa herë që ju refuzohet të hipni pa fajin tuaj – për sa kohë që nuk e keni dorëzuar vullnetarisht vendin tuaj.
Duhet të kemi parasysh se nëse janë përfshirë rrethana të jashtëzakonshme, linjat ajrore nuk janë të detyruara të paguajnë kompensim. Shembuj të rrethanave të jashtëzakonshme përfshijnë motin e keq, kufizimet e udhëtimit dhe grevat e kontrollit të trafikut ajror.
