Për shumë njerëz, një moment pa celularin apo laptopin mund të duket si një jetë e tërë. Mirëpo ky model tmerrues mund t’ju inkurajojë të shpenzoni më pak kohë para ekranit të telefonit.
Studiuesit kanë krijuar një model të çuditshëm të quajtur “Mindy”, ku ato tregojnë një pamje se si njerëzit mund të duken pas 800 vitesh si rezultat i varësisë sonë ndaj teknologjisë.
Me një kurriz të përkulur, duar si kthetra dhe me qepalla të tjera, Mindy “mund të jetë njeriu në vitet 3000 dhe më pas”. Mindy u krijua nga Toll Free Forwardingsi një mënyrë për të treguar se si teknologjia po ndikon në trupin tonë.
“Ne kryem kërkime shkencore dhe u konsultuam me ekspertë në këtë temë, para se të punonim me një dizajner 3D për të krijuar pamjen e njeriut të së ardhmes, trupi i të cilit ka ndryshuar për shkak të përdorimit të vazhdueshëm të smartphone-ve, laptopëve dhe teknologjive të tjera,” u shpreh kompania.
Sipas këtij modeli, vitet që ne kalojmë duke shikuar ekranin e telefonit do të na sjellin një kurriz të përkulur. Nga ana tjetër duart do të shndërrohen në një formë si kthetra për sa kohë ne mbajmë telefonin në dorë. Në të njejtën mënyrë njerëzit mund të kenë dhe një bërryl të dëmtuar, që qëndron gjithmonë në këndin 90 gradë, për shkak të mbajtjes së telefonit.
