Nëse ju e keni parë serialin më të ri në Netflix, Squid Game, mund të keni mbetur gojë-hapur nga ngjarjet që ndodhin në të. Interpretimi i historisë mund të ngrejë shumë teori të ndryshme dhe për sa i përket personazheve të ndryshëm. Mirëpo një gjë që mund të mos e keni kuptuar që nga episodi i parë është qëllimi i përdorimit të formave gjeometrike në maskat e punonjësve të Squid Game.
Disa kanë të ngjyrosur formën rrethore, e disa të tjerë atë katrore dhe trekëndore. Më poshtë ne do t’ju shpjegojmë gjithçka rreth këtyre formave, të cilat përcaktojnë rangun drejtues të punonjësve.
Rrethi: punonjësit e stafit që kanë veshur një maskë me formë rrethore të printuar janë në fund të hierarkisë. Pra ato janë thjeshtë punonjës të përgjithshëm. Ju ndoshta e keni vënë re se shumica e punonjësve kanë formën rrethore në maskën e tyre.
Trekëndëshi: trekëndëshi në maskën e punonjësve nënkupton se ky punonjës është një ushtar, dhe këto persona janë të gjithë të pajisur me armë.
Katrori: I gjithë personeli që ka formën katrore të printuar në maskë ka rolin e menaxherit, pra nga 3 format gjeometrike katrori ka fuqinë drejtuese më të lartë. Ato mbikëqyrin punën e punonjësve të tjerë.
Mirëpo këto forma kanë dhe një kuptim tjetër, si shkronja të alfabetit korean të shkruajtura në sistemin e shkrimit Hangul. Rrethori përfaqëson shkronjën “O”, trekëndëshi është një pjesë e shkronjës “J”, ndërsa katrori përfaqëson shkronjën “M”. Nëse i bashkojmë këto 3 shkronja përftojmë kombinimin “OJ M”, ose ndryshe inicialet e lojës koreane Ojingeo Geim.
