Me sa duket ky ekip ishte i mbushur plot me talente.

“Hayley është kampione në rrotullim.” tha Sian Proctor, një nga 4 qytetarët që gjendet në orbitën e Tokës në kapsulën Crew Dragon të SpaceX. “Ajo ka qenë duke u rrotulluar që kur ne arritëm në orbitë.”

Një tjetër anëtar i grupit, Christopher Sembroski, nxorri një ukulele dhe tha para 55,000 shikuesve që po ndiqnin transmetimin live në YouTube: “Ju mund të dëshironi të ulni volumin e kompjuterit tuaj, por unë do ta provoj.” Performanca e tij nuk ishte dhe aq e keqe.

Nga ana tjetër Proctor tregoi para ndjekësve një vizatim që ajo kishte bërë të kapsulës Crew Dragon që u nis në drejtim të hapësirës, e cila la pas tymërat që dukeshin si një dragua. “E shijova me të vërtetë eksperiencën e të vizatuarit me stilolapsa metalikë.”

Ekipi i Inspiration4 është rrotulluar rreth 15 herë në ditë që nga nata e së mërkurës kur ato u nisën. Ditën e premte ato treguan për eksperiencën e tyre në kapsulë përmes videos në YouTube.

Isacmman tha përballë kameras se ishte shumë krenar që po shpërndante eksperiencën e tij me shumë persona të tjerë dhe se e dinte se sa fatlum ishte që mori pjesë në këtë mision.

Qëllimi kryesor i Inspiration4 ishte grumbullimi i fondeve për St. Jude Children’s Hospital, një organizatë jo fitimprurëse që merret me studime rreth kancerit dhe përkujdeset për fëmijët e sëmurë me kancer falas.