Gjigandi ndërkombëtar i mikpritjes Hilton ka lançuar një menu të quajtur “zero waste” në katër nga hotelet e tij kryesore në Mbretërinë e Bashkuar si pjesë e një prove.
Menuja që kushton 40 £ tregon ‘teknika inovative’ për të shfrytëzuar mbetjet ushqimore dhe copat e papërdorura të mishit që zakonisht hidheshin tutje, si përshembull zemra e kaut, faqet e salmonit, gjuha e merlucit, lëkura e patates apo torta e bërë nga brumi i thartë.
Hilton thotë se ka një ambicie afatgjatë për të reduktuar sasinë e mbetjeve ushqimore që dërgon në landfill, megjithëse menuja “zero waste” është e disponueshme vetëm për një muaj në katër hotele Hilton – London Hilton në Park Lane, Hilton Manchester Deansgate, Hilton London Metropole dhe DoubleTree by Hilton Brighton Metropole.
Ndërsa Hilton London Metropole ka një menu të caktuar prej 40 £, tre të tjerët ofrojnë ushqime kryesore duke filluar nga £ 14 dhe ushqime dhe ëmbëlsira duke filluar nga £ 8.
“Si kuzhinierë, ne jemi katalizatorët për ndryshime pozitive dhe kemi mundësinë të krijojmë një eksperiencë ngrënie sa më të qëndrueshme për mjedisin,” tha Paul Bates, kryekuzhinier ekzekutiv në Hilton London Metropole. “Menuja jonë frymëzon konsumatorët që të përqafojnë shije të reja. Ne mezi presim që të ftuarit të na bashkohen në këtë aventurë kulinare dhe të na ndihmojnë të bëjmë një ndryshim domethënës, njëkohësisht dhe një pjatë të shijshme.”
Edhe pse menutë do të ndryshojnë sipas restorantit, të katër Hilton-et do të përdorin çdo pjesë të ngrënshme e një kafshe ose perimesh, në vend që ta hedhin, siç bëhet zakonisht në industrinë e restoranteve. Shefat e kuzhinës madje do të përdorin prerje dhe lëvozhgë perimesh për të bërë salca.
