Ndërveprimi ynë i përditshëm me teknologjinë ka mundësuar lehtësimin e shumë veprimeve për shumicën prej nesh, megjithatë për fat të keq jo të gjithë personat e gëzojnë një fat të tillë, si për shembull një grua me mbiemrin Null.
Nontra Null, e mori këtë mbiemër në momentin që u martua, dhe që nga ajo ditë ka pasur probleme me regjistrimin në sistemet kompjuterike. Nontra kujton se si aplikoi vazhdimisht për vizë në konsullatën indiane për të marrë pjesë në dasmën e një miku të saj në vend, dhe sa herë që ktheheshin, autoritetet thanë se sistemi i tyre kompjuterik i parregullt nuk mund të përpunonte aplikimin e saj.
“Më duhej të përgatitesha mendërisht që nuk mund të shkoja,” tha Nontra, një stiliste 41-vjeçare veshjesh në Burbank, Kaliforni (për fat të mirë, viza u përgatit një ditë para fluturimit të saj).
Null në përdorimin e tij aktual u shpik nga shkencëtari britanik i kompjuterave dhe fituesi i çmimit Turing, Tony Hoare, dhe përdoret për të treguar diçka që nuk ka vlerë dhe të shmanget së lexuari nga sistemet kompjuterike. Sot, përdoret ende nga një sërë gjuhësh programimi, duke përfshirë Java dhe C#, por më të rejat si Rust e shmangin atë plotësisht. Hoare e ka quajtur Null “gabimin e tij miliardë dollarësh“, sepse ai paraqet dobësi dhe mund të shkaktojë dështimin e programeve.
Ky problem ka prekur dhe disa persona të tjerë, duke përfshirë dhe një gazetar të pafat të teknologjisë. Jan Null, një meteorolog 75-vjeçar tregoi së se tani ai shton inicialen e tij të parë në mbiemrin e tij kur bën rezervime hotelesh në internet. Jani e mësoi mësimin e tij në mënyrë të vështirë vite më parë, kur një formular rezervimi vazhdonte të mos regjistrohej sa herë që shkruante mbiemrin e tij. Përfundimisht, ai thirri punonjësit e hotelit, të cilët sugjeruan të vendosnin një mbiemër tjetër.
Ndërkohë, 36-vjeçar Joseph Tartaro thotë se prej vitesh ai është mbytur me gjoba të rastësishme nga i gjithë vendi pasi makina e tij ka targën “NULL”. “Gruaja ime është shumë e inatosur për këtë dhe ajo urren që unë ende e përdor këtë targë”, tha Tartaro.
“Është një problem i vështirë për t’u zgjidhur sepse është kaq i përhapur,” tha Daan Leijen, një studiues i Microsoft. Leijen shtoi se gjigandi i softuerit shmang përdorimin e vlerave null.
