Gjykata e Përgjithshme e BE ka gjykuar se vendimi i marrë nga Komisioni Evropian për të gjobitur Google me €2.4 miliardë pas thyerjes së ligjit antitrust është i drejtë.
Në 2017 Komisioni Evropian tregoi se Google kishte thyer ligjin antitrust pasi po përdorte motorin e saj të kërkimit për të promovuar shërbimin e saj të krahasimit të blerjeve ndërkohë që linte mënjanë rivalët e tjerë.
Google dhe kompania mëmë Alphabet menduan se ky vendim ishte i padrejtë dhe vendosën që ta çonin këtë vendim në Gjykatën e Përgjithshme të BE, mirëpo dhe këtu u përballën me të njejtin vendim. I vetmi opsion i mbetur për të apeluar këtë vendim mbetet Gjykata Evropiane e Drejtësisë.
Ky përfundim është tepër i rëndësishëm pasi ndiqet nga argumentet e bëra nga Margarethe Vestager kundër kompanive amerikane. Përveç shërbimit të krahasimit të blerjeve, Google është përfshirë dhe në dy çështje të tjera gjyqësore antitrust që kanë të bëjnë me Android dhe AdSense, në 2018 dhe 2019 respektivisht.
Çelësi i argumentit ligjor të Vestager qëndron në faktin se Google e ka thyer ligjin antitrust duke përdorur një pozicion dominant në treg, si Google Chrome, për të dominuar në një tjetër fushë, siç është shërbimi i krahasimit të blerjeve. Vetë-preferencimi në fakt nuk është një shkelje e ligjit antitrust, por “mbytja” e produkteve të tjera të rivaleve është një shkelje.
