Një fizikant francez është bërë objekt bisede nga shumë persona në rrjetet sociale, pasi publikoi si shaka një fotografi të një salsiçeje chorizo dhe nën të kishte shkruar se kjo ishte një fotografi e shkrepur nga teleskopi hapësinor James Webb.
Fotografia e salsiçes picante spanjolle u postua në Twitter gjatë javës së kaluar nga Etienne Klein, drejtues i Alternative Energies and Atomic Energy Commission në Francë, i cili vlerësoi “thellësinë e detajeve që ky teleskop arrin të regjistrojë.”
“Një fotografi e Proxima Centauri, yllit më të afërt me Diellin, i lokalizuar 4.2 vite dritë nga ne. Kjo fotografi u shkrep nga James Webb Space Telescope. Ky nivel detaji… një botë e re po zbulohet çdo ditë.” shkruajti ai në postimin e tij në Twitter për 91,000 ndjekësat e tij.
Photo de Proxima du Centaure, l’étoile la plus proche du Soleil, située à 4,2 année-lumière de nous.
Elle a été prise par le JWST.
Ce niveau de détails… Un nouveau monde se dévoile jour après jour. pic.twitter.com/88UBbHDQ7Z— Etienne KLEIN (@EtienneKlein) July 31, 2022
Me mijëra përdorues të Twitter e shpërndanë këtë fotografi dhe komentuan nën të, duke e marrë seriozisht postimin e shkencëtarit. Megjithatë, gjërat nuk ishin siç dukeshin. Pas disa orësh, Klein tregoi se kjo nuk ishte një fotografi e gjeneruar nga teleskopi James Webb, por një fotografi e salsiçes chorizo me një sfond të zi.
Ai shpjegoi se qëllimi i tij ishte të “nxisë përdoruesit të tregohen të kujdesshëm në ‘leximin’ e mesazheve që janë mjaft të qarta”.
