Organizuesit e Mobile World Congress planifikuan të zhvillojnë një konference me persona gjatë verës. Mirëpo një numër i madh kompanish si Google, Ericsson, Sony dhe Nokia nuk kanë pranuar të marrin pjesë, për shkak të protokolleve anti COVID-19. Largimi i Google nga kjo konferencë është disi shqetësuese për MWC pasi kjo kompani zë vendin më madh në qendrën e konventave Fira.
Zakonisht MWC sjell kompanitë nga e gjithë bota në një vend për të prezantuar produktet më të reja teknologjike. Ky event më parë është zhvilluar gjatë muajve shkurt dhe mars, por në 2020 eventi nuk u zhvillua dhe këtë vit u shty për në muajin qershor si pasojë e pandemisë. Në një vit normal rreth 100,000 njerëz merrnin pjesë në MWC përgjatë gjithë javës. Kësaj here duket se do të jetë shumë ndryshe nëse do të zhvillohet pasi kompanitë shumë të mëdha teknologjike po refuzojnë të marrin pjesë fizikisht, por do të jenë aty në mënyrë virtuale.
Në një komunikim për shtyp GSMA tha se kanë zhvilluar platformën për evente virtuale më të mirë në industri për të siguruar që të gjithë të kenë mundësinë ta shijojnë këtë eksperiencë.
