Elon Musk ka treguar gjatë dëshmisë së tij në një proçes gjyqësor se ai nuk ka dëshirë të jetë CEO i asnjë kompanie. Duhet të rikujtojmë se aktualisht ai është drejtues ekzekutiv në kompani të ndryshme, ku së fundmi mori dhe drejtimin e Twitter.
“Unë sinqerisht nuk dëshiroj të jem CEO i asnjë kompanie,” tha ai.
Proçesi gjyqësor gjatë së cilës kjo deklaratë u dha është i fokusuar në veprimin e bordit drejtues të Tesla që aprovoi një paketë për Musk që tashmë vlen rreth $52 miliardë me vlerën aktuale të aksioneve. Ato dëshirojnë të vërtetojnë se Musk nuk kishte asnjë influencë në marrjen e këtij vendimi.
“You were stone cold sober when you came up with the title “Technoking” for yourself, correct?”
“Yesssss????” Elon responds skeptically lol
/28
— The Chancery Daily (@chancery_daily) November 16, 2022
Mirëpo dëshmia e Musk u zgjerua gjithashtu dhe me tema të tjera të cilat flisnin për “titujt që ai i ka dhënë vetes gjatë kësaj periudhe kohore”, si përshembull “technoking”.
“Në SpaceX, është e vërtetë që unë jam përgjegjës për krijimin e raketave dhe në Tesla për krijimin e teknologjisë që e bën makinën kaq të suksesshme.” tha Musk. “Pra, CEO shpesh herë shikohet si një rol i fokusuar në biznes, mirëpo në të vërtetë roli im është shumë më tepër si një inxhinier që zhvillon teknologji të reja, sigurohet që të sjellë inovacione teknologjike dhe gjen një ekip me inxhinierë të mahnitshëm që mund të arrijnë këto rezultate.”
Ai deklaroi gjithashtu se nuk ka në plan të qëndrojë si CEO i Twitter për një kohë shumë të gjatë.
