Elon Musk, i cili ka deklaruar prej kohësh se planeti Tokë po kalon një krizë të shpopullimit, ka mirëpritur një fëmijë tjetër me një drejtues në kompaninë e tij të implanteve të trurit Neuralink, sipas një raportimi nga Bloomberg.
Drejtuesja e Neuralink, Shivon Zilis thuhet se lindi fëmijën e Musk në fillim të këtij viti. Musk tashmë ka dhe 2 fëmijë të tjerë binjakë me Zilis, që u zbuluan rastësisht në vitin 2022 pas gërmimit të një dokumenti gjyqësor. Ai ka tre fëmijë me muzikanten Grimes dhe gjashtë fëmijë nga marrëdhëniet e mëparshme, duke bërë gjithsej 12 fëmijë që ne njohim.
Të enjten, Musk ripostoi një tabelë që pretendon se Evropa po vuan nga një “krizë fertiliteti”. Siç vërehet nga Bloomberg, Musk e ka përsëritur këtë linjë disa herë në të kaluarën, duke përfshirë gjatë një interviste të vitit 2022 me Tucker Carlson dhe përsëri gjatë një interviste në konferencën e Institutit Milken në maj. Ai i tha Carlson-it se “kolapsi i lindjeve është rreziku më i madh me të cilin përballet qytetërimi ynë”.
Në vitin 2021, organizata jofitimprurëse e Musk dhuroi $10 milionë për Universitetin e Austin për të financuar Iniciativën e Mirëqenies së Popullsisë, një grup kërkimor që studion popullsinë njerëzore.
Megjithatë qarkullojnë shumë akuza rreth sjelljes së Elon Musk në vendin e punës dhe me vartësit. Një raport i fundit nga The Wall Street Journal tha se Musk kishte një marrëdhënie seksuale me një ish praktikante të SpaceX, e cila më vonë u bë një nga drejtuesit e kompanisë. Një tjetër punonjëse thotë se ajo refuzoi disa herë kërkesat e Musk për të pasur fëmijë me të, sipas Journal.
