Ekspertët tregojnë se cila është aftësia që dallon të moshuarit me aftësi kujtese të dobët nga ato të shëndetshmit
Ekziston një grup njerëzish të cilët studiuesit i quajnë “SuperAgers”, të cilët janë në moshë më të madhe se 80 vjeç dhe kanë aftësi njohëse të një personi disa dekada më të ri. Nga ana tjetër, është e mundur dhe që një person të ketë një tru “më të vjetër” se mosha aktuale, gjë që të gjithë ne duam ta shmangim.
“Si një studiues i shëndetit mendor dhe autor i librit ‘The Age-Proof Brain’, kam zbuluar se përveç gjeneve, sjellja jonë e përditshme ka një impakt të fuqishëm në fatin e trurit tonë.” tha Marc Milstein, ekspert i shëndetit mendor.
Sipas një studimi të kryer në vitin 2021 që ndoqi personat e moshuar me aftësi njohëse shumë të mira për moshën e tyre, është bërë e ditur se aftësia për të mësuar gjëra të reja çdo ditë të jetës i ndihmon këta persona të kenë një tru të shëndetshëm.
Nuk është e mjaftueshme që një person të plotësojë vetëm fjalëkryqe apo të luajë Sudoku: aktivitete të cilat kanë në të vërtetë benefite në shëndetin mendor, por ky aktivitet stërvit njohuritë tuaja që i keni prej kohësh.
Është e rëndësishme që truri të krijojë lidhje të reja dhe të zhvillojë aftësi të ndryshme. Ju mund të stërvisni trurin tuaj duke ndërthurur aktivitetet fizike me ato mendore.
Përshembull, ditën e parë mund të stimuloni trurin tuaj duke dëgjuar një podcast apo duke plotësuar një kurs online.
Ditën e dytë mund të mereni me aktivitet fizik, si përshembull të ecni, të kërceni apo të bëni pak joga.
Në ditën e tretë takohuni me miqtë tuaj. Pini nga një kafe së bashku dhe socializohuni. Ndërveprimi social është një formë e të mësuarit e cila është e vërtetuar të parandalojë demencën.
