Gjatë një konference të zhvilluar në ditën e djeshme, CEO i Warner Bros. David Zaslav diskutoi disa tema të ndryshme në lidhje me ecurinë e kompanisë, ku më interesantja ishte krijimi i filmave të rinj Harry Potter, në rast se autorja J.K. Rowling pranon të punojë me ta.
“Ne do të fokusohemi në ekskluzivitetet,” tha Zaslav gjatë bisedimit me një investitor. “Ne nuk kemi krijuar asnjë film të ri Superman gjatë 13 viteve të fundit. Ne nuk kemi krijuar një film të ri Harry Potter në 15 vite. Filmat DC dhe Harry Potter kanë sjellë shumicën e përfitimeve për Warner Bros. … Do të dëshiroja shumë të shikoja nëse mund të krijojmë diçka me J.K.Rowling për filmat Harry Potter në të ardhmen.” Zaslav tregoi gjithashtu se studio vazhdon të ketë të drejt të The Lord of the Rings.
Dëshira e Warner Bros Discovery për të rikthyer Hogwarts sigurisht nuk mund të jetë një surprizë. Filmat Harry Potter ishin një sukses i vërtetë në të gjithë botën, me 8 filma të publikuar gjatë 10 viteve dhe me një box office prej $7.7 miliardësh.
Mirëpo Fantastic Beasts and Where to Find Them, ku Rowling shkruajti historitë për t’u shfaqur në ekran nuk është pritur aq mirë nga kritikët. Dhe Secrets of Dumbledore u përball me një publik jo shumë të surprizuar dhe arriti të fitojë vetëm $405.1 milionë në të gjithë botën.
