Njeriu i 4-t më i pasur në botë, Bill Gates, tregon se ai ka zgjedhur të largohet nga lista e personave më të pasur në botë duke dhuruar për bamirësi shumicën e pasurisë së tij. Pasuria e Gates momentalisht besohet të jetë rreth $122 miliardë, dhe shumë shpejt pritet të shikojmë një rënie të konsiderueshme të pasurisë së tij pasi ai të dhurojë $20 miliardë në donacionin e parë.
“Ndërkohë që mendoj të ardhmen, unë po planifikoj të dhuroj virtualisht të gjithë pasurinë time drejt fondacionit.” tregoi Gates përmes një tweet-i. “Në këtë mënyrë renditja ime në listën e personave më të pasut në botë do të bie deri në momentin kur të mos jem më pjesëtar i kësaj liste.”
Bashkëthemeluesi i Microsoft është gjithashtu filantropisti më i madh i të gjitha kohërave, së bashku me ish-gruan e tij, Melinda. Çifti themeloi fondacionin në vitin 2000 për të luftuar varfërinë, sëmundjet dhe pabarazinë në botë, sidomos në vendet në zhvillim. Gates tregoi se fondacioni planifikon të rrisë shpenzimet vjetore nga $6 miliardë në $9 miliardë.
I have an obligation to return my resources to society in ways that have the greatest impact for reducing suffering and improving lives. And I hope others in positions of great wealth and privilege will step up in this moment too.
— Bill Gates (@BillGates) July 13, 2022
“Unë kam një obligim të rikthej resurset e mija në shoqëri në mënyra që kanë impaktin më të madh në reduktimin e vuajtjeve dhe përmirësimin e jetesës. Unë shpresoj që dhe persona të tjerë në pozita të ngjashme me mua të veprojnë në këtë moment.”
