Ndërkohë që njerëzit janë shumë të fokusuar pas serisë së re të iPhone-ve të prezantuar nga Apple, kompania ka në qendër të vëmendjes një riparues smartphone-sh nga Kolumbia.
Të paktën kështu është kuptuar situata e Wilmer Becerra, e cila është bërë publike në rrjetet sociale. Sipas pronarit të kompanisë ‘Wiltech’, ai ka marrë një letër nga firma ligjore amerikane ‘Baker McKenzie’ dhe në të tregojnë se po përfaqësonin Apple për të bërë disa kërkesa dhe për të shmangur arritjen e instancave të mëdha ligjore.
“Apple ka të drejtën ekskluzive të përdorë Apple Marks, të lejojë të licencuarit e saj dhe rishitësit e autorizuar të përdorin Apple Marks dhe të parandalojë të tjerët që të përdorin Apple Marks pa pëlqimin e saj”, thuhet në një pjesë të dokumentit që kolumbiani postoi në profilet e tij në rrjetet sociale.
Duket se vëmendja ka shkuar drejt tij për shkak të rrjeteve sociale të tij, pasi Wilmer Becerra ka më shumë se 220,000 ndjekës në Instagram, më shumë se 6 milionë në Facebook, mbi 5 milionë në TikTok dhe 147,000 në YouTube. Puna e tij u bë e njohur kur filloi të bënte riparime drejtpërdrejt me klientët përpara tij. Në këtë mënyrë ai kërkonte të garantonte cilësinë e punës së tij dhe të sigurohej që të verifikoheshin punimet dhe pjesët e këmbimit që përdorte.
Marka ‘Wiltech’ u bë më e njohur në internet dhe ka pika riparimi në vende të tjera të Amerikë Jugores: Argjentinë, Kili, Ekuador, Bolivi, Peru, Meksikë dhe Guatemala.
Në letër përmendet gjithashtu se dënimi në Kolumbi për këtë shkelje do të ishte “katër (4) deri në tetë (8) vjet burg dhe një dënim financiar“. Në asnjë moment nuk sqarohet se po pengojnë të drejtën e punës apo riparimit të elementeve teknologjike të kësaj apo kompanive të tjera në treg. Por këtë e lë të kuptohet Wilmer në postimin në Instagram që shoqëron imazhin.
Në mesazhin e tij, Becerra pyet publikun nëse është një krim të riparosh produktet që Apple i konsideron si të pariparueshme, apo nëse pronari i pajisjeve nuk duhet të jetë ai që do të vendosë se ku do ta riparojë pajisjen e tij.
Për të mbyllur diskutimet, Wilmer Becerra tregoi përgjigjen e tij: “Të nderuar avokatë, thuajini klientit tuaj që ne mund të bëjmë një aleancë midis Apple dhe ‘Wiltech’ për të ofruar një sistem riparimi cilësor për të gjitha produktet e Apple që nuk mund të mbulohen nga garancia”.
