Gjatë një konference për shtyp në Zyrën Ovale, CEO i Apple, Tim Cook, i dhuroi Presidentit Donald Trump një skulpturë të personalizuar me bazë prej ari 24 karatësh, përpara se Trump të shpallte një investim të ri prej $100 miliardë nga Apple në SHBA. Ky zhvillim e çon angazhimin total të Apple për investime në SHBA në $600 miliardë, të cilin Trump e cilësoi si “historik”.
Trump njoftoi gjithashtu se Apple do të ndërtojë linjën më të madhe dhe më të avancuar në botë për prodhimin e xhamave inteligjent, duke përdorur xham të prodhuar nga fabrika e Corning në Harrodsburg, Kentucky për iPhone dhe Apple Watch.
Gjatë fjalës së tij, Trump ftoi Cook të prezantonte dhuratën: një skulpturë e vendosur mbi një bazë ari 24 karatësh dhe i gdhendur me emrin e presidentit. Cook theksoi se ishte një “vepër unike”, dizenjuar nga një ish-marins amerikan që tani punon në Apple.
Paralelisht me marrëveshjen me Apple, Trump shpalli një tarifë të re 100% për të gjitha çipat kompjuterikë të importuar në SHBA, por premtoi përjashtime për kompanitë që ndërtojnë në tokën amerikane. Apple ka siguruar një përjashtim.
Megjithëse tarifat e Trump mund t’i shtonin Apple-it rreth 900 milionë dollarë në kosto, Cook falënderoi presidentin për mbështetjen ndaj inovacionit dhe prodhimit amerikan, duke thënë: “Ne jemi një kompani krenare amerikane.”
