Nga të gjitha gjyqet e Apple që kemi dëshmuar ky është padyshim në listën e më të çuditshëmve.
Kompania me logon e mollës pretendon se një tjetër kompani me logo dardhe ngjason me të dhe kjo dëmton imazhin e saj.
Prepear është një aplikacion modest i cili merret me gjetje recetash, organizime vaktesh dhe shërbime të tjera lidhur me ushqimin.
Në faqen e saj të Instagramit, Prepear thotë se Apple ka vendosur të ndërmarrë veprime logjore kundër tyre. Sipas tyre kjo është një goditje e madhe për ta, dhe kjo shihet si asgjë tjetër përpos bullizim nga kompanitë e mëdha kundër biznesit të vogël.
Tek e fundit i gjithë stafi i tyre përbëhet nga vetëm 5 veta, dhe në kapitalin e tyre është e pamundur që të përballojnë mijra qindra dollarë shpenzime gjyqësore, sidomos në këtë kohë pandemie.
Në përpjekje për të marrë vëmendjen e publikut Prepear ka hapur një peticion online i cili ka arritur më shumë se 9,000 firma.
Ky episod vjen në një kohë kur Apple dhe kompani të tjera akuzohen nga ligjvënësit e USA për abuzim me pushtetin kundra konkurrencës. Apple pretendon se shumë aspekte të logos së Prepear janë marrë nga logo e tyre, dhe njerzit mund ta ngatërrojnë e për pasojë të dëmtojë shitjet e tyre.
Ju si mendoni? A ka të drejtë Apple? Apo jemi përpara një rasti abuziv të turpshëm.
