1G telefonat mund të shkëmbenin vetëm zë, 2G shtoi tekst mesazhet, 3G materialet video dhe 4G video-lojrat dhe shërbimet streaming.
5G duke kombinuar tekonlogjitë e mësipërme pretendon të përmirësojë infrastrukturën dhe të përballojë më shumë volum, si një lloj autostrade me disa korsi më shumë.
Teksa këto teknologji përpiqen të sjellin progress, diçka e kanë pasur të përbashkët ndër vite: kundërshtimin nga populli i friksuar.
Dhe PO, e kemi fjalën pikërisht për teoritë konspirative që po qarkullojnë së fundmi nga njerëz të cilët sipas mendimit tonë nuk kanë asnjë kualifikim të konsiderueshëm për tu marrë seriozisht përveç zërit të lartë por sidoqoftë është zëri i popullit dhe populli duhet të marrë përgjigje.
Pavarsisht infrastrukturës, të gjitha G-të bazohen në një fizikë të vetme: valët radiofonike.
Radio, Telefonat, Mikro valët, Drita e dukshme, Ultra, X dhe Gamma.
Kjo është renditja në fuqi e udhëtimit të valëve.
Ka disa teori mbi lidhjen e 5G me Covid-19 por do të prekim ato që kanë marrë më shumë vëmendje.
Dy të parat janë pak të ngjashme e para pretendon se 5G dobëson imunitetin dhe tjetra që ajo e transporton atë.
Ndërsa është e vërtetë që valë me frekuencë të lartë mund të të nxehin mjaft sa të kompromentojnë sistemin imunitar, një lloj rrezatimi i tillë kërkon fuqi të larta si X apo Gamma, valët e smartphonëve thjesht nuk janë aq të fuqishme. Sa i përket shpërndarjes, një virus edhe pse i gjallë kërkon me patjetër një trup bartës që të mbijetojë, ndërsa valët mund të transportojnë sinjale transportimi i gjallesave nëpërmjet valëve telefonike është i pamundur.
Një tjetër teori bazohet në origjinën e virusit Wuhanin, i cili pak muaj përpara se të shpërthente pandemia prezantoi 5G.
Ndërsa Kina si vend i zhvilluar ka kapacitetin për avancime teknologjike, testet e para të 5G janë bërë në Londër dhe në Çikago të paktën 2 vjet më përpara. Për më tepër pilotët e F1 në pistat respektive përdorin këtë teknologji prej ndonjë dekade.
Është e vërtetë që Milano është një ndër qytetet e Europës që po prezanton 5G, por këtë sinjal mund ta marrësh vetëm në sheshe të mëdha apo vënde kryesore sepse implementimi i teknologjisë është me kosto shumë të larta, pasi gjithçka 5G bën është përshpejtimi i valëve dhe për këtë do të duheshin aparate ne çdo cep të qytetit. Ndaj nuk besojmë se e gjithë Lombardia apo Veneto është ekonomikisht e aftë të përballojë një avancim kaq të lartë kaq shpejtë.
Një tjetër teori e përhapur nga një moderatore angleze, bazohet në teorinë se 5G ndikon në frymëmarrje pasi molekulat e oksigjenit janë elektrone të ndikueshëm nga valët.
Kundër argumenti vazhdon të mbetet në shkallën e fuqisë, ndërsa qelizat e oksigjenit mbijetojnë të pashqetësuara nga shpejësia e rrezeve të dritës, shpejtësia e valëve te telekomunikacionit as që i afrohet asaj të dritës.
Nga ana tjetër kujtojmë se Covid-19 po prek edhe në vende që 5G jo vetëm që nuk e kanë prezantuar por do të duhen disa vjet derisa të mbërrijë, si për shembull Shqipëria.
Dhe në përfundim, bota është përballur gjatë periudhave të ndryshme me infeksione dhe viruse të tilla, dhe sipas llogarive tona 5G-ja nuk ishte e pranishme as gjatë gripit Spanjoll dhe as gjatë SARS.
Vendosëm të mos përfshijmë studime shkencore dhe referenca profesorësh pasi edhe vetë deklaratat vijnë nga njerëz me edukim të limituar apo moderatorë të cilët pavarsisht se sa zbavitës janë nuk do u besonim kurrë të na jepnin leksione kaq teknike.
Ne e bazojmë logjikën tonë në ligje të thjeshta fizike dhe ky është opinioni jonë, ndaje dhe ti mendimin tënd me ne në Instagram apo Facebook.
—
Geek Room ju sugjeron te shihni
