Ditën e diel Elon Musk deklaroi se Tesla po anulon prodhimin e Model S Plaid + pasi versioni i rregullt S Plaid është “thjesht mjaft i mirë”.
Plaid+ is canceled. No need, as Plaid is just so good.
— Elon Musk (@elonmusk) June 6, 2021
Model S Plaid + $149,990, nëse do të prodhohej, do të ishte makina më e shpejtë në botë, duke arritur shpejtësinë 100km/h nga qetësia në më pak se 1,99 sekonda. Gjithashtu ajo do të kishte një autonomi mjaft të madhe, prej 850 km. Versioni i rregullt $119,990 S Plaid nga ana tjetër arrin shpejtësinë 100 km/h në 1,99 sekonda por do të vijë me një autonomi më të vogël prej 627 km.
Në një intervistë për Electrek, Musk tha se arsyeja e anulimit ishte se “nuk kryhet pothuajse asnjëherë një udhëtim 600 km i gjate pa patur nevojën për të ndaluar së paku një herë për ushqim, kafe ose nevoja personale.”
Ky lajm mund të duket disi i keq për fansat e Tesla, mirëpo ata mund të gëzohen me faktin se ndoshta kompania do të nisë prodhimin e Roadster. Kjo makinë do të thyejë rekordin aktual dhe do të shndërrohet në makinën më të shpejtë në botë, pasi do të arrijë shpejtësinë 100km/h në vetëm 1.1 sekonda, një shifër e pabesueshme.
