Cruise sapo ka lajmëruar se taksitë robotike të cilat nisën të testoheshin që në nëtor të 2021 kanë kryer më tepër se 1.6 milionë kilometra pa asnjë shofer pas timonit.
Kjo është kompania e parë që ka arritur të fitojë lejen e shërbimit nga California Public Utilities Commission për mejtet autonome pa një drejtues human, duke transportuar pasagjerët drejt destinacionit të tyre të preferuar në këmbim të parave. Deri në shtator të vitit të kaluar ishin mbi 100 makina të tilla që operonin në rrugët e Kalifornisë, dhe kompania ka treguar se ka në plan të shtojë dhe 5,000 makina të tjera.
Mo Elshenawy, zëvëndës president në Cruise ka treguar se secili prej këtyre kilometrave ka qenë i tejmbushur me skenare komplekse që kanë ndihmuar në rritjen e shpejtë të Crusie. “Duke marrë në konsideratë sigurinë e ofruar nga këto taksi robotike, mund të marrim me mend rëndësinë e punës së ekipit tonë. Deri më tani, persona të ndryshëm kanë kryer dhjetra mijra lëvizje me Cruise AV. Në vitet në vijim, miliona njerëz do të përjetojnë këtë eksperiencë.” shtoi Elshenawy.
Kjo deklaratë e Cruise vjen vetëm një muaj pasi zyrtarët e San Francisco i dërguan një letër rregullatorëve në Kaliforni që të ngadalësojnë planet e zgjerimit të Cruise, në mënyrë që të kuptonin më mirë makinat autonome si fillim.
