Lamborghini sapo ka shpërndarë një video të re të supermakinës së saj të fundit duke bërë një xhiro rreth Autodromo Piero Taruffi në Vallelunga, në veri të Romës. Klipi tregon mënyrat e shumta të argëtimit që Revuelto ofron – veçanërisht nëpër pistën e garës.
Drejtuesi Andrea Caldarelli drejtoi Revuelto-n dhe dha komente gjatë videos tre minutëshe. Supermakina mund të jetë hibridi i parë i prodhuar në seri nga Lamborghini (Sían ishte një model limited edition), por pasthirrmat e gëzimit të pranishme në të gjithë klipin e bëjnë të qartë se modeli i ri nga Lamborghini ruan aftësitë klasike të saj.
Caldarelli arrin të drejtojë mjaft mirë Revuelto-n nëpër kthesa, ndërkohë që puna e tij lehtësohet pjesërisht falë elementëve aero-aktivë të makinës. Caldarelli – i cili do të drejtojë makinën e re SC63 sezonin e ardhshëm – e kalon pjesën tjetër të klipit ose duke përshpejtuar rreth pistës 4km të gjatë.
Nuk është aq e papritur të zbulosh se Revuelto është një “bishë e vërtetë”. Fuqia hibride plug-in e supermakinës përfshin një motor V-12 6,5 litra dhe tre motorë elektrikë që kombinohen për të nxjerrë 1001 kuajfuqi. Falë gjithë kësaj fuqie makina arrin nga 0 në 100km/h në vetëm 2.5 sekonda dhe arrin një shpejtësi maksimale deri në 350km/h. Pozicionimi i motorëve bën që automjeti të ofrojë all-wheel drive, duke siguruar që të ketë një lëvizshmëri më dinamike se pothuajse çdo Lambo më parë atë.
Prodhimi i Revuelto filloi këtë verë dhe dërgesat pritet të fillojnë para fundit të vitit. Makina vjen me një çmim fillestar prej $604,000, megjithëse ky çmim mund të rritet shpejt falë opsioneve shtesë, duke e bërë atë modelin më të shtrenjtë të markës deri tani.
