Rimac C Two Concept ka evoluar në një hypecar elektrike gati për prodhim me emrin Nevera, dhe është akoma po aq absurde sa ishte para 3 vitesh kur u prezantua në Geneva Motor Show.
Nevera përdor 4 motorë elektrik, nga një për secilën gomë, për të prodhuar një fuqi të pabesueshme 1.4MV e cila është ekuivalente me 1,914 kuajfuqi. Kjo nënkupton se makina arrin 100 km/h nga qetësia në vetëm 1,85 sekonda. Shpejtësia maksimale e Neveras është 415 km/h.
Për të shijuar më tepër eksperiencën fantastike në këtë makinë, inxhinierët deklarojnë se kanë punuar në 3 vitet e fundit mbi sistemin ftohës të baterive për të bërë të mundur që fuqia maksimale të zgjasë për më tepër para se bateritë të fillojnë të “ankohen”.
Rimac ka zhvilluar gjithashtu një shërbim ”AI driving coach” që përdor 12 sensorët ultrasonikë dhe 6 sensorët radarë, bashkë me 13 kamera për të “optimizuar performancën e drejtuesit”.
Të paktë do të jenë njerëzit që do të shqetësohen për performancën e makinës, pasi Rimac do të prodhojë vetëm 150 makina, ku secila prej tyre do të kushtojë rreth $2.4 milionë.
Kjo shifër kaq e lartë i detyrohet materialeve dhe teknologjisë së përdorur. Sipas kompanisë, monokoku është pjesa më e madhe e përbërë nga fibra e karbonit në industri, duke ulur drastikisht peshën e makinës dhe duke përmirësuar sigurinë. Brenda në makinë gjenden 3 ekrane, një në pjesën e drejtuesit, një center console horizontale dhe një ekran për pasagjerin.
Sikur të mos mjaftonin gjithë këto, çdo blerës i kësaj makine do të “ftohet në Kroaci për të dizenjuar makinën e tij sipas kërkesave të veçanta”.
