Volvo dhe Polestar janë prodhues suedezë të automjeteve që prodhojnë automjete mjaft të bukura dhe të sofistikuara. Ndërsa kompania e parë përqendrohet te makinat dhe SUV të sigurta, të orientuara për familjarët, e dyta përqendrohet te makinat elektrike me një performancë të lartë. Kohët e fundit, me rritjen e kërkesës për makinat elektrike, Polestar po zhvillohet edhe më shumë. Megjithëse kompanitë punojnë nën të njëjtën hapësirë bashkëpunuese, cila është natyra e marrëdhënies së tyre dhe si u zhvillua me kalimin e kohës?
Siç raporton Companies History, Volvo prodhoi automjetin e saj të parë në vitin1927. Në vitin e parë të prodhimit, fabrika e Goteborgut në Suedi prodhoi vetëm 280 makina. Megjithatë, nga ky moment, kompania vazhdoi të rritej, duke ndërtuar një reputacion për automjete të mirë-strukturuara dhe të sigurta. 1 shtatori i vitit 1944 ishte një moment historik për kompaninë kur prezantoi PV 444. Siç përshkruan Volvo, “Volvo i vogël” ndihmoi në përhapjen e kompanisë në tregjet ndërkombëtare.
Në vetëm dy javë, 2,300 klientë porositën makinën suedeze me dy dyer. Më pas, në vitin 1955, Volvo filloi të eksportonte PV 444 në SHBA, e cila, në vitin1974, u bë tregu i saj më i madh gjatë asaj periudhe. Megjithatë, historia e vërtetë filloi në vitin 1959. Pikërisht atëherë, inxhinieri i Volvo-s, Nihls Bohlin, prezantoi rripin e sigurisë me tre pika, duke filluar traditën e kompanisë në inovacionet e sigurisë.
Pak histori rreth Polestar
Kampioni suedez Jan “Flash” Nilsson krijoi Flash Engineeringnë 1996, e cila më vonë u bë Polestar. Duke përdorur modelet e Volvo si pikënisje, Flash Engineering fitoi mbi 100 gara evropiane nga viti 1996 deri në 2005. Në atë kohë, Nilsson e shiti kompaninë te Christian Dahl, i cili e riemëroi Polestar Racing.
Sipas MotorTrend, në vitin 2015, Volvo bleu divizionin e makinave rrugore Polestar dhe departamenti i garave vazhdoi me emrin Cyan. Më pas, Volvo Cars e bëri Polestar pjesë të kompanisë në 2017, me fokus në automjetet inovative tërësisht elektrike, me vetëm Polestar 1 që ishte një model hibrid, i ndjekur nga Polestar 2 tërësisht elektrik në 2019.
Për të patur një diferencë sa më të dukshme midis dy kompanive, Polestar dhe Volvo përdorin zyra të ndryshme dizenjimi, me ide të ndryshme. Për të gjithë drejtuesit e makinave Volvo që dëshirojnë më tepër performancë, Polestar Engineered Parts dhe Polestar Engineered Parts sjellin përmirësime dinamike të duhura.
