Epo është e qartë që Mercedes-Benz ka dashur të marrë të gjithë vëmendjen e fansave të automjeteve dhe jo vetëm në CES 2021.
3 ekrane të bashkuar pa u ndjerë me njeri tjetrin në 141cm gjatësi, 8 bërthama CPU 24GB RAM me shpejtësi leximi 46.4GB për sekondë dhe AI përbëjnë atë që vetë përfaqësuesit e kompanisë e quajnë trurin e makinës.
Ky do të jetë sistemi i ri MBUX i ndërfaqjes së makinave të Mercedes i cili është estetikisht rrëqethës, i lehtë për t’u përdorur dhe gati për të mësuar.
Ky ekran masiv që lë prapa çdo Tesla, do të shihet për herë të parë tek makina elektrike luksoze EQS, e më pas do të integrohet edhe tek gjenerata e radhës linjës S të Mercedes-Benz.
Sistemi ka një paraqitje të kontentit në një formë të cilën kompania e quan pa shtresa. Në vend të dritareve të shumta hutuese, gjithçka do të jetë gjithnjë e pranishme në pjesën e sipërme të ekranit, gati për t’u afruar edhe automatikisht në varësi të situatës pasi siç thamë sistemi është Artificialisht Inteligjent. Duke mësuar prej përdoruesit ,ai do të parashikojë nevojat e tij, e në përzjerje me prekjen dhe komandat vokale do të japë shërbimin e dëshiruar.
Një shërbim i ri i cili do të prezantohet për herë të parë quhet “Mercedes Travel Knowledge“, dhe është pikërisht ajo që përkthehet. Sistemi do të mësojë gjëra nga burime të tjera për gjithë intenerarin tënd si edhe ndalesat rrugës. Por jo vetëm për vendet kulturore por edhe për hotelet apo ndërtesat që ndesh rrugës. Mjafton që të pyesësh makinën çfarë di ajo për njërin objek apo tjetrin dhe ajo do të të informojë për gjithçka dihet publikisht për të, si dhe për mundësirat e rezervimit etj.
Nuk e dimë kur do të dalë në rrugë ky super koncept, por diçka na thotë që Shqiptarët do jenë radhë nga të parët, jashtë dyerve të Mercedes-Benz.
