Lamborghini dhe reputacioni i saj për ti çuar gjërat më tej kanë mbizotëruar në çdo kohë.
Pavarsisht ku qëndron limiti, Italianët duket se nuk kënaqen kurrë.
Ditën e martë, kompania shfaqi SCV12, një automjet i limituar vetëm për pistën, gati për të kënaqur të gjithë të varurit pas andrenalinës dhe shpejtësisë, aq më tepër kur ky V12 është më i fuqishmi i prodhuar ndonjëherë prej tyre.
Jemi sigurisht muaj larg debutimit të super-mjetit, por Lamborghini na i ka dhënë disa detaje.
Motorri V12 do të kombinohet me një kambio me 6 shpejtësi e cila do t’ia çojë fuqinë aksit të prapëm aktiv. Ky kombinim do të arrijë të prodhojë deri në 830 kuaj fuqi.
Shasia është e bërë prej fibrash karboni, çka do të fuqizojë raportin fuqi-peshë.
Rrotat 19 ose 20 inch do të mbështillen nga goma magneziumi prodhuar specifikisht nga Pirelli.
Aerodinamika e automjetit do të jetë gjithashtu një pamje për tu admiruar. Forma përfundimtare e makinës fshihet sigurisht nga mbështjella e kamuflazhit por Lambo thotë se kofano do të ketë dy hyrje ajri dhe një tjetër do të jetë në pjesën e sipërme të kabinës.
Stabiliteti i saj do të ndihmohet nga splitteri frontal, vertebrat anësore, penda vertikale dhe një bisht masiv me fibra karboni.
Elemente të cilat premtojnë ti japin makinës më shumë forcë graviteti se një GT3.
Sa do të kushtojë kjo krijesë ende nuk është bërë e ditur, assa njësi do të prodhohen, por secila prej tyre do të ndërtohet nga fabrika Squadra Corse në Sant’Agata Bolognese.
Për më tepër secili fatlum që arrin ta blejë do të ketë akses tek programi i avancuar eksluziv i kompanisë, çka përfshin ndër të tjera edhe mësime private nga Emanuele Pirro, 5 herë fitues i Le Mans.
