Kia Niro Plug-in Hybrid është vlerësuar me çmimin Red Dot Design Award në kategorinë “Product Design”. Ky çmim është një testament që tregon angazhimin e Kia për të dizenjuar makina inovative me cilësi të lartë të cilat plotësojnë kërkesat e klientëve ndërkohë që vijnë me dizajnin më të avancuar.
Niro Plug-in Hybrid vjen me një estetikë emocionale por racionale, që mbështetet në teorinë e dizenjimit “Opposites United” të Kia. Kjo pamje e qëllimshme që ju bën të ktheni kokën është dizenjuar për të inspiruar lëvizjen. Këtu mund të përfshijmë dizajnin kontemporan të harkuar të dritave “Heartbeat”, Aero-C Pillar tepër të veçantë, një pllakë mbrojtëse të fortë për të përmirësuar pamjen e ashpër të CUV të elektrifikuar. Duke kombinuar dhe me evolucionin më të fundit të Fytyrës së Tigrit që është unike për makinat Kia, ky model dallohet shumë qartë që është dizenjuar nga kjo kompani.
Kia Niro vjen në një gamë të ndryshme opsionesh: elektrike, hibride apo plug-in hybrid. Që të tre modelet vijnë me materiale miqësore ndaj mjedisit, duke nisur që nga sfondi i ricikluar, boja pa VOC në panelet e dyerve si dhe lëkura vegane që gjendet në sedilje të krijuara nga pemët e eukalipitit.
“Ne jemi tepër të lumtur që të vlerësohemi me këtë çmim për Kia Niro Plug-in Hybrid,” tha Sjoerd Knipping, zëvëndës president i marketingut dhe produktit për Kia Europe. “Kjo njohje shërben dhe si një testament i punës që ekipet tanë të inxhinierëve dhe dizenjuesve bëjnë, si dhe natyrën fituese të filozofisë sonë ‘Opposites United’. Ne jemi tepër të nderuar që të vlerësohemi nga Red Dot Design Award për përpjekjet tona, dhe po përpiqemi që të shtyjmë kufijtë në dizajnin e makinave.”
Red Dot Design Award është një çmim tepër i kërkuar nga kompanitë e ndryshme për sa i përket cilësisë së dizajnit. Çdo vit, një juri me ekspertë ndërkombëtarë ekzaminojnë cilësinë e dizajnit dhe shkallën e inovacionit në makinat e reja.
Ky vlerësim vjen pas një serie të gjatë suksesi në kategorinë e dizajnit nga Kia. Suksesi më i fundit në Red Dot Awards shënon modelin e 28-të nga Kia që e ka fituar këtë çmim që nga viti 2009. Vitin e kaluar, makina elektrike EV6 u vlerësua me çmimn “Best of the Best” për dizajnin e veçantë dhe në 2021, Kia Sorento fitoi Red Dot Award për dizajnin e saj.
Makinat Kia nuk janë produktet e vetme të Kia që vlerësohen për pamjen e tyre gjatë viteve të fundit. Në 2022, projekti “Moving Inspiration” i Kia, një instalacion në Itali që vë në dukje filozofinë e dizajnit të kompanisë u vlerësua gjithashtu me një Red Dot Design Award. Këto çmime shfaqin aftësinë e vazhdueshme të kompanisë për të krijuar produkte të jashtëzakonshme që shtyjnë kufijtë në përsosmërinë e dizajnit.
