Përdoruesit e modeleve më të reja të makinave Kia tashmë mund të përfitojnë shërbimet e reja infotainment më shpejt dhe më lehtësisht falë funksionalitetit over-the-air (OTA). I pranishëm në të gjitha modelet MY22 dhe modelet që do të prezantohen në të ardhmen nga Kia, funksionaliteti OTA do të ofrojë akses në distancë për navigimin wireless dhe përmirësimet e sistemit infotainment. Kjo gjë do të garantojë rifreskimin e software-it të makinës pa patur nevojën për ta shkarkuar update-in manualisht përmes Kia Navigation Updater Portal apo dërgimit të makinës në përfaqësuesit zyrtarë të Kia.
Teknologjia më e re OTA do të ofrohet në të gjitha modelet MY22 dhe ato që do të prezantohen në të ardhmen nga Kia në shtetet që suportojnë Kia Connect në Evropë. Ajo do të sigurojë akses të hershëm në përmirësimiet e sistemit të navigimit të makinës dhe njësisë kryesore si dhe të shmangë ndonjë problem potencial të software-it. Përmirësimi i parë OTA i Kia do të ofrojë një rang të gjërë përmirësimesh specifike, duke përfshirë këtu dhe temën e re ECO Design për makinat elektrike që ishte e pranishme më parë vetëm në Kia EV6, meloditë e reja Sounds of Nature, si dhe kontrollimi i përmirësuar i kondicionerit të makinës dhe të sediljeve.
Funksionaliteti OTA sjell një komfort të shtuar për klientët dhe do t’i kursejë kohë atyre, ndërkohë që sistemet e navigimit dhe infotainment përmirësohen automatikisht – pa patur nevojë për hapa të shtuar. Ky është vetëm një shembull që tregon se si Kia po themelon bazën për një eksperiencë të ndërlidhur pa ndërprerje dhe të gjerë duke iu mundësuar klientëve teknologjinë më të avancuar.
