Kia e re K2500 do të ndryshojë mënyrën tuaj të vlerësimit për kamionët transportues aq të nevojshëm për bizneset e ndryshme. Ai nuk është thjesht një mjet pune, por një partner i besueshëm i biznesit tuaj. Falë nivelit më të madh të përsosmërisë, që mund ta prisnit vetëm në një makinë pasagjerësh, Kia K2500 e bën punën tuaj më të lehtë se kurrë. Ky model kombinon fuqinë, efikasitetin dhe komoditetin, duke e bërë një zgjedhje të shkëlqyer për ata që kërkojnë një mjet të qëndrueshëm dhe ekonomik.
Nëse ju dëshironi të testoni këtë makinë të re, regjistrohuni tani në këtë link, pasi së shpejti do të jetë e pranishme në showroom-in e distributorit zyrtar në Shqipëri, Mektrin Motors.
Hapësira e ngarkesës
Sigurisht, një ndër pjesët më të rëndësishme të një kamioni transportues është hapësira e pasme në të cilën duhet të ngarkojmë mallrat e nevojshme. Për të qenë sa më praktike për ngarkimin e mallrave, hapësira e ngarkesës vjen me një lartësi prej 733mm si dhe një shkallë në pjesën e pasme. Në këtë mënyrë ju nuk do të keni asnjë problem aksesueshmërie gjatë ngarkimit dhe shkarkimit të mallrave.
Për më tepër, hapësira e ngarkimit ka përmasa 2,810mm gjatësi, 1,630mm gjerësi dhe 355mm lartësi, duke e bërë të përshtatshme për ngarkesa të ndryshme. Kapaciteti maksimal i ngarkesës së Kia K2500 është 1,500kg, ndërsa pesha maksimale e transportimit arrin 2,835kg.
Motor i fuqishëm dhe efikas
Kia K2500 është e pajisur me një motor 2.5L CRDi Turbo Diesel, i cili ofron një fuqi të konsiderueshme, duke siguruar performancë të shkëlqyer edhe në ngarkesa të rënda. Ky motor jo vetëm që ofron fuqi të mjaftueshme, por gjithashtu është i kursyeshëm në konsumin e karburantit, falë transmisionit manual me 6 marshe i cili ofron ndërrime të buta të marsheve.
Komoditet dhe siguri
Dhe pse është një kamion i vogël transportimi, Kia K2500 ofron një kabinë komode dhe të pajisur me teknologji dhe siguri. Kabina e brendshme është projektuar për të ofruar rehati maksimale për shoferin dhe pasagjerët. Sediljet ergonomike me mbështetje të mirë sigurojnë një përvojë të rehatshme, edhe gjatë udhëtimeve të gjata.
Paneli i instrumenteve është intuitiv dhe i lehtë për t’u përdorur, me një ekran informues që ofron të dhëna të rëndësishme mbi funksionimin e mjetit. Për më tepër, Kia K2500 vjen e pajisur me një sistem ajrimi dhe ngrohjeje të fuqishëm për të siguruar një ambient të freskët ose të ngrohtë në çdo lloj moti. Hapësirat e ruajtjes në kabinë janë të shumta dhe praktike, duke përfshirë hapësira të veçanta për dokumente, mbajtëse për pije dhe hapësirë për sende personale.
Siguria është një nga prioritetet e Kia K2500. Ky model vjen me sisteme moderne sigurie, përfshirë ABS, jastëkët e ajrit që janë të gatshëm për të ofruar siguri maksimale për drejtuesin dhe pasagjerin në çdo moment si dhe ndriçim të fuqishëm për ta bërë drejtimin më të sigurt, edhe gjatë natës ose në kushte të vështira atmosferike.
Manovrim i lehtë
Kia K2500 është projektuar për të ofruar manovrim të lehtë, edhe në hapësira të ngushta. Rrezja e kthimit është e vogël, gjë që e bën këtë kamionçinë ideale për lëvizje në qytete dhe zona industriale me rrugë të ngushta.
Mirëmbajtje dhe kosto operative e ulët
Një nga avantazhet kryesore të Kia K2500 është mirëmbajtja e saj e thjeshtë dhe kostoja e ulët operative. Pjesët e këmbimit janë lehtësisht të disponueshme dhe të përballueshme, duke e bërë këtë model një investim afatgjatë për bizneset.
Kia K2500 po vjen në Shqipëri, regjistrohu tani dhe testoje në Mektrin Motors.
