59 gazetarë të ndryshëm nga e gjithë Evropa kanë përzgjedhur Makinën Evropiane të Vitit. Në këtë konkurrim morën pjesë të gjitha makinat e sapoprezantuara në Evropë. Gazetarët u “pajisën” me 25 pikë për të vlerësuar të gjitha këto makina sipas renditjes që ato mendonin.
Pas votimit, këto ishin rezultatet:
Kia EV6: 279 pikë
Renault Megane: 265 pikë
Hyundai Ioniq 5: 261 pikë
Peugeot 308: 191 pikë
Skoda Enyaq iV: 185 pikë
Ford Mustang Mach-e: 150 pikë
Cupra Born: 144 pikë
Përderisa një nga kriteret e votimit ishte avancimi teknologjik, 6 nga 7 makinat në këtë listë janë elektrike (përveç Peugeot 308). I gjithë proçesi është tërësisht transparent, dhe ju mund të mësoni më tepër rreth tij në Car of the Year.
Njëri prej gazetarëve përshkruan: “Kia është një makinë që të jep më tepër kënaqësi se një Hyundai, dhe drejtimi i saj është më i zhdërvjellët dhe më i lehtë në krahasim me makinat e tjera SUV. Pozicioni i ulët i drejtimit është shumë i mirë për drejtuesin e makinës.”
Kia EV6 është padyshim një ndër makinat më të mira elektrike në treg, dhe për këtë arsye ajo ka fituar mjaft çmime të ndryshme, si përshembull “Makina e Vitit” nga 2022 What Car? Awards, Crossover i Vitit gjatë vitit të kaluar nga gazetarët e TopGear apo “Makina Gjermane e Vitit” në German Car of The Year Award.
Gjatë prezantimit të çmimit Crossover i Vitit Tom Ford, komentoi gjithashtu: ”Me modelin EV6, Kia ka konkurruar në të gjitha departamentet. Ajo është tërësisht elektrike, ka një stil të veçantë dhe ofron karikim me shpejtësinë më të lartë në treg. EV6 zhytet thellë në konceptin e krijimit të një makine me hapsirë të gjerë dhe e bën më interesante eksperiencën e drejtimit të të saj. Kjo makinë konkurron me të gjithë makinat më të mira elektrike në treg dhe është një crossover në më tepër se një kuptim.”
EV6 vjen me aftësinë për karikimin ultra të shpejtë 800V, që e karikon makinën nga 10 në 80% brenda 18 minutash, dizajn tepër të veçantë dhe një autonomi prej 528km në një karikim të plotë.
