Interesi mbi makinat elektrike është për momentin më i lartë se kurrë, ku më tepër se gjysma e blerësve globalë të makinave të interesuar në blerjen alternativave elektrike. Studimi nga Ernst & Young tregoi se 52% e blerësve globalë të makinave po kërkojnë të bëjnë tyren një makinë elektrike.
Kjo është hera e parë që dëshira për të patur një makinë elektrike e kalon vlerën 50%, duke u rritur me 22% gjatë dy viteve të fundit. Dhe pse në SHBA është rritur interesimi për blerjen e makinave elektrike, pjesa më e madhe e interesimit vjen nga Evropa dhe tregjet aziatike.
“Studimi i 13,000 njerëzve në 18 shtete tregoi se blerësit e makinave në Itali (73%), Kinë (69%) dhe Korenë e Jugut (63%) janë më të interesuarit për të blerë një makinë elektrike, ndërkohë që klientët nga Australia (38%) dhe nga SHBA (29%) janë më pak të interesuarit.” tregohet në raportim.
Studiuesit zbuluan se shqetësimet ambientale ishin arsyeja kryesore (38%) që i shtynte blerësit drejt makinave elektrike, ndërkohë arsyeja e dytë më e rëndësishme ishte rritja e penaliteteve dhe çmimeve për të përdorur një makinë me motor me djegie të brendshme (34%), sidomos tani që çmimi i naftës po kap vlera rekord.
