Partneri i lojës Gran Turismo, Toyota, ka zbuluar një version special dhe të limituar të makinës Toyota Yaris, e cila jo vetëm që mban në emrin e saj Gran Turismo, por vjen dhe me një kopje falas të lojës për PS5.
Toyota Yaris GR Sport GT7 është e bazuar në modelin e rregullt të modelit Yaris që prodhohet prej vitesh nga kompania. Ky model përdor një motor hibrid 1.5 litërsh, i cili kombinon 90 kuajfuqi nga motori me djegie të brendshme dhe 80 kuajfuqi nga motori elektrik për të krijuar një forcë shtytëse totale prej 114 kuajfuqi.
Ky version do të ketë të shfaqur në të gjithë interiorin e saj pamjen GT, e cila do të shfaqet dhe në çelësin e makinës. Të gjithë personat që e blejnë këtë makinë do të përfitojnë gjithashtu një kopje falas të lojës Gran Turismo 7 për PS5 dhe 3 muaj abonim në PS Plus.
Kjo është një strategji shumë e ngjashme me atë të Nissan në 2005, kur kompania prodhoi versionin e limituar Nissan 350Z Gran Turismo 4, e cila vinte së bashku me një konsolë PS2 dhe një kopje të Gran Turismo 4.
Makina do të mund të porositet duke filluar nga data 4 mars, vetëm në Spanjë. Lista e çmimeve nuk është publikuar ende, por me shumë mundësi kjo makinë mund të kushtojë rreth $23,000.
