Prestigjozja britanike 2022 What Car? e ka vlerësuar makinën e re Kia EV6 si “Makinën e Vitit”. Gjithashtu kjo makinë u gjend në krye të renditjes dhe në kategorinë “SUV elektrik i Vitit”.

Kjo është hera e dytë që një makinë elektrike fiton çmimin si “Makina e Vitit” në What Car? Awards, ndërkohë që makina e parë elektrike që e fitoi këtë çmim ishte Kia e-Niro në 2019.

Ky çmim për Kia EV6 vjen pas një numri rekord çmimesh dhe vlerësimesh të marra nga ekspertë të ndryshëm përgjatë 10 muajve të fundit që nga prezantimi global i makinës në mars të vitit të kaluar. Ndër këto çmime mund të përmendim “Crossover of the Year” nga Top Gear dhe renditjen në vendin e parë në kategorinë “Premium” të German Car of the Year Awards.

“EV6 kombinon autonominë e madhe me aftësinë e karikimit të shpejtë që nuk mund të krahasohet me rivalët, duke i dhënë zgjidhje dy nga shqetësimeve kryesore të përdoruesve të makinave elektrike. Duke përdorur platformën E-GMP të krijuar në mënyrë të posaçme, në vend të përdorimit të një platforme ekzistuese nga modelet me djegie të brendshme, Kia ka arritur të përfitojë nga avantazhet e madhësisë kompakte të motorëve elektrikë për të krijuar një hapësirë të madhe të brendshme dhe tepër praktike.” tha Steve Huntingford, editor në revistën What Car?.

“Duke shtuar këtu dhe performancën mjaft të mirë, çmimin kompetitiv dhe garancinë më të mirë në treg, Kia EV6 jo vetëm që duket si e ardhmja, por ndihet si ajo.” shtoi Huntingford.

Jason Jeong, president i Kia Europe komentoi: “Është një nder i madh për Kia që të fitojë çmimin “Makina e Vitit” në What Car? Awards. EV6 është pritur shumë mirë nga të gjithë klientët dhe media në të gjithë Evropën falë autonomisë së saj mbresëlënëse, aftësisë së karikimit të shpejtë, dizajnit të saj dhe interiorit inovativ.”

EV6 vjen me aftësinë për karikimin ultra të shpejtë 800V, që e karikon makinën nga 10 në 80% brenda 18 minutash, dizajn tepër të veçantë dhe një autonomi prej 528km në një karikim të plotë.

Bashkë me vlerësimin për EV6, Kia arriti të përfaqësohej dhe me një tjetër makinë në What Car? Awards, modelin Sorento SUV e cila u vlerësua me çmimin “Tow Car Award”.